AZƏRBAYCANLI QARDAŞLAR ÖZ QƏHRƏMANLIQLARI İLƏ BÜTÜN UKRAYNANI ŞOK ETDİLƏR.
Üç yaşlı Maksim yanan maşının içərisində qışqıran zaman,
yerli millətdən olan sürücü sakitcə tamaşa edirdi. Ona
yaxınlaşıb dedim ki, siz necə insansınız, orada bir ailə
yanır və siz də, tamaşa edirsiniz? Sürücü mənə dedi ki,
artıq gecdir.
Umud Şirinov
Soydaşlarımız Nikalayevin şərəfinə təsis edilmiş medalla təltif olundular. Xatırladaq ki Ukraynada bu medalları müharibədə və Fövqəladə hallarda qəhrəmanlıq göstərənlərə verirlər.
Diaspor info saytının Ukrayna bürosu məlumat verir ki, Nikalayev şəhərində yaşayan, əslən Zərdab rayonundan olan iki azərbaycanlı, öz qəhrəmanlıqları ilə bir anda məşhurlaşıblar. Saytımızın Ukrayna bürosu bu gün səhər saatlarında Umud və Sabir Şirinov qardaşlarından video müsahibə də, edib. Yazının sonunda video-müsahibəni olduğu kimi oxucularımıza təqdim edirik.
Umud və Sabir Şirinov qardaşları hadisə haqqında yüzlərlə KİV nümayəndələrinə müsahibə verdiklərini dedilər. Birləşmiş Ukrayna Azərbaycanlıları Konqresinin Nikalayev vilayəti üzrə sədri Yunus Alıyev hadisəylə bağlı dərhal BUAK-nin sədri Rövşən Tağıyevə məlumat verdiyi üçün qardaşların qəhrəmanlığı yerli telekanallarda işıqlandırılmağa başlayıb.
Bu gün səhər də, Nikalayev şəhərinin yerli televiziya kanalına, daha sonra Xmelninski şəhərindən gəlmiş ictimai televiziyanın jurnalistlərinə müsahibə verən Şirinov qardaşları saytımıza da, geniş müsahibə veriblər:
Nikalayev vilayəti ərazisində, öz şəxsi maşınımızla gedərkən, yol kənarında qəza etmiş bir maşın gördük. Dərhal öz maşınımızı saxlayaraq, hadisə yerinə yaxınlaşdıq. Hadisəyə tamaşaçı kimi baxan yerli millətin nümayəndəsinə- “siz qəza etmiş insanlara niyə kömək etmirsiniz “- sualı ilə müraciət etdik. Aldığımız cavabdan şok olduq. Belə ki, bir neçə yük avtomobilinin sürücüsü bizə dedi ki, yanan maşına yaxınlaşmaq çox təhlükəlidir, onsuzda qazla işləyən “Cip” birazdan partlamalıdır. Ora yaxınlaşan gərək öz həyatından bezsin. Əlbəttə ki, hər bir qeyrətli Azərbaycan oğlu kimi, biz heç nəyə baxmadan cipə yaxınlaşaraq, şüşələri sındırmağa başladıq. Şüşələr sınmırdı, qapılar isə mərkəzi qıfılla bağlandığı üçün açılmırdı. Biz məcbur qalıb baqajı sındırdıq və oradan bir ailəni, balaca uşağı, ata və ananı xilas edə bildik. Biz yaralıları kənara çəkəndən bir neçə saniyə keçməmiş qəza etmiş cipdəki qaz balonu partladı.
Öz həyatlarını risqə ataraq bir ailəni xilas edən qardaşları hazırda bütün Ukrayna və dünyanın bir çox ölkələrində tanıyır və bütövlükdə bütün millətlər, hətta ermənilər belə onları alqışlayırlar.
Şirinov Umud və Sabir Adil oğlu Azərbaycan vətəndaşlarıdır. Onlar Azərbaycan ordusunda hərbi xidmət zamanı təmas xəttində xüsusi ad qazanıblar. Umud Adil oğlu Şirinov baxmayaraq ki, 2-ci qrub əlildir, ona ağır yük qaldırmaq olmaz, o, yaralıları çiynində daşıyan zaman öz xəstəliyini belə unutduğunu söylədi.
Sabir Şirinov deyir ki, bir neçə il bundan əvvəl Nikalayev vilayətində Vosyatski yolunda gedərkən yenə də, qəza etmiş bir ailəni xilas edib.
B. V. Müharibəsi zamanı Nikalayev vilayətini Alman faşistlərindən xilas edən 416-cı Taqanrok diviziyasının əsgərlərindən biri olmuş Əmralı Əmralıyev də, Zərdab rayonundan idi. Tarix təkrarlanır, yenədə zərdablı gənclər nikalayevli gənclərin həyatını xilas edir.
Umud deyir ki, çox təsirli anlar yaşadım, xilas etdiyim qadın dərhal soruşdu ki, hanı oğlum, hanı Maksim. Biz maksimi göstərəndə ana mənə dedi ki, öz papağını qoy oğlumun başına, ona soyuq olmasın. Sonra qadın yenə də, qışqıraraq dedi ki, həyat yoldaşımı da xilas edin, xahiş edirəm. Baxmayaraq ki, artıq maşın sürətlə alovlanırdı və qaz balonu partlamaq üzrə idi, biz yenə də, öz həyatımızı risqə ataraq, ailə başçısını da, xilas etdik. Bilirsinizmi, biz iki qardaş da gənc ailə başçısıyıq. Hər ikimizin övladı var. Həmin ailə də, gənc ailə idi, biz heç vaxt belə hadisə zamanı biganə qala bilməzdik, çünki biz AZƏRBAYCANLIYIQ.
Əlmaniz Ələkbərli
Azərbaycan Jurnalistlər və
Yazıçılar Birliyinin Üzvü.
fotolar...
283
