BALAKƏN TƏHSİLİNDƏ NƏSİMİ ADINA TAM ORTA MƏKTƏBİN XÜSUSİ YERİ VARDIR.
Diaspor info saytının Şimal-qərb bölgə bürosunun əməkdaşları Zaqatala-Balakən təhsil müəssisələrindən yazılarını davam etdirir. Bu dəfəki səfərimiz Balakən şəhər İ. Nəsimi adına iki saylı şəhər məktəbinə oldu.
Sözügedən təhsil ocağının direktoru Samirə Varansova ilə görüşüb söhbətləşdik. Aldığımız məlumata görə ötən tədris ilinin yekunları təhsil müəssisəsi üçün uğurlu olubdur. Belə ki, 32 məzundan 17-si tələbə adını qazana bilib.
Məktəbin şagirdi Bəhram Səfərli Respublika üzrə keçirilən “Heydər Əliyev haqqında Ən Yaxşı Təqdimat Müsabiqəsində” qalib olub. Təhsil nazirliyi tərəfindən pul mükafatı və diplom alıb. Samirə xanımla söhbətimiz zamanı bir çox sahələrə toxunduq:
Müstəqillik əldə etdikdən sonra Respublikamızıın sürətli inkişafı, bütün sahələrdə olduğu kimi təhsil sahəsində də özünü göstərir. Bu gün paytaxt Bakı şəhəri ilə yanaşı, Respublikamızın ən ucqar rayonlarında belə müasir tələblərə cavab verən məktəb binaları inşa olunur. Şagirdlərin keyfiyyətli tədris almaları üçün, məktəblərimiz dərslik və müasir avadanlıqlarla tam təmin olunmuşdur.
Azərbaycanın dilbər guşəsi olan Balakən rayonu da, Respublikamızıın sərhəd rayonlarındandır. Məlum məsələdir ki, Balakən rayonu ərazisindən ölkəmizə daxil olan hər bir qonaq, ətrafında ilk gördüyü hər bir şeyə görə, gəldiyi Dövlət haqqında onda ilkin fikir yaranır. Bu incə nüansları nəzərə alan Balakən rayon rəhbərliyi, istər yolların kənarının təmiz saxlanmasına, istər də inzibati binalara xüsusi diqqət yetirirlər.
Bu rayona daxil olarkən, yol boyu qarşıya çıxan təhsil müəssisələri də müasir standartlara cavab verəcək səviyyədədir. Rayon icra hakimiyyətindən aldığımız məlumata görə ötən tədris ili Balakən rayon təhsili üçün çox uğurlu il olmuşdur. Balakən rayon icra hakimiyyəti və Balakən RİH-nin başçısı İslam Rzayev rayon təhsilini həmişə diqqət mərkəzində saxlamış və xüsusi qayğı göstərir.
Qeyd edək ki, Balakən rayonundakı ümumtəhsil məktəblərinin 70 faizi 2005-2015 –ci illərdə yeni inşa vəyaxud əsaslı təmir olunublar. Bundan əlavə sözügedən məktəblər müasir avadanlıqlarla da təchiz olunmuşdur.
Gördüyünüz kimi bizim məktəbimiz də, müasir tələblərə cavab verən bir təhsil müəssisəsidir. Yeni tikili olduğu üçün, onun qorunub saxlanılması da, diqqət mərkəzindədir.
Əsas diqqətimizi isə tədrisin keyfiyyətinə yönəltmişik.
Əlmaniz Ələkbərli
Azərbaycan Jurnalistlər və
Yazıçılar Birliyinin Üzvü.
160
