“Sanksiyalar qanunsuzdur” Viktor Medvedçuk
Ukrayna Ali Radasının “Həyat naminə Müxalifət Platforması”-dan olan deputat Viktor Medvedçuk ilk dəfə özünə, yoldaşına və ailə üzvlərinə qarşı sanksiyaları qanunsuz adlandırəb. DİASPOR.İNFO xəbər verir ki, bu barədə RİA Novosti partiyanın saytına istinadən məlumat yayıb.
Xatırladaq ki, Ukraynanın Milli Təhlükəsizlik və Müdafiə Şurası cümə günü Rusiyaya uçuşların həyata keçirildiyi təyyarələrin sahibləri də daxil olmaqla, 19 hüquqi və səkkiz şəxsə qarşı sanksiya tətbiq edilməsinə qərar verib. Digərləri arasında Ukrayna Ali Radasının “Həyat naminə Müxalifət Platforması”-dan olan deputat Viktor Medvedçuk və həyat yoldaşı Oksana Marçenko sanksiya siyahısına daxil edilib.
"Mən və qrup yoldaşım Taras Kozaka və ailələrimizin üzvlərinə qanunsuz olaraq, heç bir dəlil olmadan sanksiya tətbiq edilib. Hüquq sahəsində bir mütəxəssis olaraq deyə bilərəm ki, mövcud hökumət tərəfindən tətbiq olunan bütün sanksiyalar mənə, ailəmə, həmkarlarıma və jurnalistlərə qarşı qanunsuzluqdur və məhkəmə qərarı tətbiq oluna bilməz", deyə Viktor Medvedçuk bildirib.
Millət vəkilinin sözlərinə görə, səlahiyyətlilər hakimiyyətə qarşı təhlükəni hiss etdikləri üçün ona və ətrafına qarşı məhdudiyyətlər tətbiq edib.
"Mənə qarşı qanuni və ağlabatan iddialar irəli sürə bilməzlər, çünki həmişə qanuna tabe olan bir vətəndaş olmuşam və elə olaraq da qalıram. Mənə, ailəmə və partiyadakılara qarşı bütün kampaniyalar yalnız bir şeydən xəbər verir ki, mən onların yanında deyiləm, mən onlar kimi deyiləm, ona görə məni qəbul etmirlər və bu səbəbdən də məndə təhlükə hiss edirlər və haqlı olaraq hiss edirlər. Çünki mənim siyasi fəaliyyət yeni bir Ukraynanın, gələcəyin Ukraynasının, Ukraynanın azad olmasına həsr olunur", deyə Medvedçuk əlavə edib.
Müəllif: İnam Hacıyev
