Ermənistanda müxalifətin mitinqi başladı
Ermənistanda müxalifətin ümumxalq mitinqi başlayıb. DİASPOR.İNFO xəbər verir ki, İrəvandakı Azadlıq meydanında keçirilən mitinqi "Vətənin qurtuluşu hərəkatı" təşkil edib. Mitinqdə baş nazir Nikol Paşinyanın istefası tələb olunur. "Ermənistan uçurumun astanasındadır, ölkə iqtisadiyyatı hər gün düşməyə davam edir. Bütün bunlara dözməyin, mübarizə aparın. Yalnız bir tələb var - xainin istefası. Birlikdə vətənimizi xilas edəcəyik ", - deyə hərəkatın müraciətində vurğulanıb. Qeyd edək ki, İrəvanın mərkəzi küçələrinə çox sayda polis cəlb olunub. Xüsusilə, parlamentin binasının yaxınlığında, Maştots prospektində, Respublika meydanında və digər yerlərdə içərisində polislər olan avtobuslar saxlanılıb.
Müəllif: Ceyhun Rasimoğlu
