İrəvanda mitinq başladı, istefa tələbi ilə RİA Novosti yazır.
Şənbə günü İrəvanın Azadlıq meydanında Ermənistanın baş naziri Nikol Paşinyanın istefasını tələb edən çoxminlik mitinq başlayıb. DİASPOR.İNFO xəbər verir ki, bu barədə RİA Novostinin İrəvandakı müxbiri məlumat verib.
Məlumatda qeyd olunur ki, mitinq hökumət başçısının getməsini istəyən 20-yə yaxın siyasi qüvvəni birləşdirən “Vətənin Xilası Hərəkatı” tərəfindən təşkil edilib. Bildirilir ki, mitinqdə müxalif siyasi və ictimai xadimlər, keçmiş deputatlar, keçmiş nazirlər və Erməni Apostol Kilsəsinin nümayəndələri iştirak edirlər.
Xatırladaq ki, 2020-ci ilin noyabrında Qarabağda atəşkəs razılaşmasını imzaladıqdan sonra işalçı ölkədə mütəmadi olaraq baş nazir Paşinyanın istefasını tələb edən müxalifət mitinqləri keçirilir. Baş nazirin istefasını tələb edən müxalif qüvvələr, ölkə hökumətinin keçmiş başçısı Vazgen Manukyanın baş nazir vəzifəsinə namizədliyini irəli sürüb. Dekabr ayının sonunda Paşinyan siyasi qüvvələri 2021-ci ildə erkən parlament seçkilərinin keçirilməsi ilə bağlı məsləhətləşmələrə dəvət edib. Bununla birlikdə, səlahiyyətlilər daha sonra seçkilər üçün hər hansı bir ictimai tələb olmadığını bildirib. Bir sözlə, erməni cəmiyyəti yenə də, bu dəfə də Paşinyan tərəfindən aldadığının artıq fərqindədir. Məhz bu səbəbdən bütün müxalifət təmsilçiləri, müxtəlif siyasi qüvvələrin nümayəndələri, demək olar ki, bütün ermənilər bu dəfə daha böyük miqyaslı mitinq və Nikol Paşinyanın istefasına nail olmaq idiasındadırlar.
Müəllif: İnam Hacıyev
