“Azərbaycanın ictimai həyatında gənclərin rolu” mövzusunda tədbir keçirilib
BDU-nun Filologiya və Tarix fakültəsinin təşkilatçılığı ilə "Azərbaycanın ictimai həyatında gənclərin rolu" mövzusunda tədbir keçirilib. DİASPOR.İNFO-nun verdiyi məlumata görə, 2 aprel 2021-ci il tarixində Microsoft Teams platforması üzərindən təşkil olunan 280 nəfərin qatıldığı tədbirə BDU-nun Filologiya və Tarix fakültəsinin tələbələri və müəllim heyyəti və digər qonaqlar iştirak edib. Tədbiri giriş sözü ilə açan Bakı Dövlət Universitetinin Tarix fakültəsinin tədris işləri üzrə dekan müavini Bəxtiyar Nəbiyev qonaqları salamlayaraq Azərbaycanda gəncliyin inkişafında Ulu Öndər Heydər Əliyevin rolundan söz açıb və ölkə Prezidenti cənab İlham Əliyevin rəhbərliyi ilə Azərbaycanda dövlət gənclər siyasətinin uğurla həyata keçilməsini bildirib.
YAP Veteranlar Şurasının üzvü İsgəndər Quliyev çıxış edərək bildirib ki, 90-cı illərin əvvələrində Azərbaycan öz müstəqilliyini əldə etsədə həm siyasi hakimiyyətdə həm də dövlətin bütün strukturlarında boşluq yaşanırdı. Bundan istifadə edən erməni silahlı qüvvələri hücüm edərək ölkəmizin ərazisinin 20%-ə qədərini işğal etdi. Həmin dövrdə Naxçıvan MR-nın Ali Məclisinin sədri kimi fəaliyyət gösətərən müdrik rəhbər Heydər Əliyevin xaqlın israrlı təkidi ilə hakimiyyətə qayıtmasından və dövlətimizin yox olması təhlükəsindən xilas etməsindən, dövlətimizin parçalanmasından və beynəlxalq aləmdən təcrid olunmasından xilaskar rolunu vurğulayıb. Bu gün isə qalib gənclik kimi 44 günlük Vətən müharibəsində ölkəmizin ərazi bütövlüyünün təmin olunmasında iştirak edən Müzəffər ordumuzdan və qalib ali baş komandanın fəaliyyətindən bəhs edib.
Daha sonra çıxış edənlər millət vəkili Elnur Allahverdiyev, BDU-nun Filologiya fakültəsinin dekanı Elçin Məmmədov, BDU-nun Filologiya fakültəsinin I kurs tələbəsi Rəhiməxanım Əlipənahova çıxışlarında dövlət gənclər siyasətinin məqsəd və vəzifələrindən, Ulu Öndər Heydər Əliyevin gənclərin inkişafı üçün xidmətlərindən, və onun şəxsiyyətinin gənclər üçün örnək olmasından, cənab Prezident İlham Əliyevin gənclərin inkişafında gördüyü işlərdən, dövlət idarəçiliyində gənclərin rolunun artırılmasından, könülülük fəaliyyətindən, Vətən müharibəsində gənclərin göstərdiyi qəhrəmanlıqlardan bəhs edilib.
Müəllif: Ceyhun Rasimoğlu
