TOLYATTİDƏ QANLI 20 YANVAR FACİƏSİ ANILIB.
Məlum olduğu kimi, Qanlı 20 Yanvar hadisəsi dünyanın hər yerində anılır. Diaspor info saytının Rusiya bürosunun verdiyi məlumata görə, bu gün səhər saatlarında Tolyatti şəhərində 20 Yanvar şəhidləri anılıb. Tədbirdə Azərbaycan diasporunun Tolyatti şəhər üzrə rəhbərliyi başda olmaqla, şəhərin ağsaqqalları və ziyalıları, Azərbaycan diasporun fəalları iştirak etmişdirlər.
Tədbir şəhidlərimizin ruhunu 1 dəqiqəlik sükutla anmaqla başlamış, daha sonra çıxış üçün söz Diaspor rəhbəri
Ələsgər Əlifova verilib. Ələsgər müəllim soydaşlarımızın qarşısında çıxış edərək totalitar rejimə qarşı çıxış edən azadlıq şahinlərinin qəhrəmanlığından danışıb: Məhz həmin gün Azərbaycan xalqı dünyaya sübut etdi ki, azadlıq yolunda qanından-canından keçməyə hazır bir millətdir. Sovet rejiminin amansız mücadiləsinə baxmayaraq, Azərbaycan xalqının qürurunu sındırmaq mümkün olmadı.
Tolyatti diasporasının hüquqşünansı Osman Daşdəmirov da çıxış edərək Azərbaycan xalqına edilən amansızlığı tənqid etmişdir: Vaxt gələcək 20 yanvar faciəsi özünün hüquqi qiymətini alacaqdır. Bu hadisə isə Azərbaycan xalqının yaddaşında həmişə qalacaqdır. Xalqımız bu günü qəhrəmanlıq tarixinə böyük hərflərlə yazmışdır.
Diaspor info
Rusiya
111
