Amerikalı Alimi Yunus Alıyevlə Görüşməyə Nə Vadar Etdi?
Birləşmiş Ukrayna Azərbaycanlıları Konqresinin
Nikalayev vilayəti üzrə sədri
Yunus Alıyev
Diaspor info saytının Ukrayna bürosu məlumat verir ki, BUAK-nin Nikalayev vilayəti üzrə sədri Yunus Alıyev öz ofisində Amerikalı alim Luis Perea ilə görüşüb. Millətlərin dilinin qorunub saxlanılması vəziyyəti ilə maraqlanan Amerikan alimi Nikalayev Milli Universitetində ingilis dilindən dərs də deyir. Luis Perea Yunus müəllimin gördüyü işlərlə qiyabi tanış olduğunu və onun bu gün də öz xalqı üçün gördüyü qeyri-adi işlərlə daha yaxından tanış olmaq üçün görüşmək istədiyini bildirdi. Luis Perea Yunus müəllimə Nikalayev şəhərində yaratdığı memarial komplekslə bağlı sual verdi: Necə oldu ki, belə bir memarial kompleks yaratdınız?
Yunus müəllim 416-cı Taqanrok diviziyası haqqında geniş məlumat verdi. Y. Alıyev Amerikalı alimə bildirdi ki, bu diviziya Azərbaycanlılardan ibarət bir diviziyadır. Azərbaycanlılar Böyük Vətən Müharibəsində qəhrəmanlıqla döyüşən bir xalq olub. Sadəcə bütün tapşırıqlar Rus dilində olduğu üçün bizim soydaşlarımızın da, çoxunun bu dili yaxşı bilməməsinə görə belə bir diviziya yaradıldı. Məhz həmin Azərbaycanlılardan ibarət diviziya Sovetlər ölkəsinin bir çox şəhərlərini, o cümlədən də Nikalayevi Alman faşistlərindən azad edib və Berlinədək irəriləmişlər.
Luis Perea Yunus müəllimə Azərbaycan Ukrayna dostluğu barəsində də, soruşub.
Yunus Alıyev:- Azərbaycan Ukrayna dostluğunun kökləri çox qədimidir. Hətta bizim adət-ənənələrimizdən oxşarları da çoxdur. Sovetlər birliyində kim harada istəyirdisə yaşaya və işləyə bilərdilər. Təyinat və göndərişlə Ukraynaya gəlib yaşayanlarımız çox idi. Mən hərbi xidmətimi Ujqorod şəhərində etmişəm. Hərbi xidmətdən sonra burada qalaraq işləyib və təhsil almışam.
Bu gün bizim xeyli iş adamlarımız, idmançılarımız, dövlət qulluqçularımız, hüquq-mühafizə orqanlarında işləyənlərimiz vardır. İyirmi minədək Azərbaycanlılarımız var. O ki, qaldı dostluğa, bilirsinizmi bizim Ümummilli liderimiz var Heydər Əliyev. Sovetlər dövründə Ukraynada Çernobıl Atom elektrik stansiyasında partlayış oldu. Həmin dövrdə Heydər Əliyev SSRİ-da böyük bir vəzifə daşıyırdı. Heydər Əliyev baxmayaraq ki, SSRİ prezidenti M. Qorbaçov hadisəni gizlətmək istəyirdi, Ukrayna xalqına kömək edib. Hadisədən zərərçəkmişləri evakuasiya edib. Ümumiyyətlə qəzadan zərər çəkənlərə dəstək olub və sonra da SSRİ Prezidentinin qəzəbinə tuş gəlib. Daha sonra Sovetlər ittifaqı dağıldıqdan sonra Ukrayna çox böyük imtahanla qarşılaşdı. Yay ayları idi, taxıl zəmiləri biçilməli idi. Ukraynada isə yanacaq problemi var idi. Bütün yollar bağlı olduğu üçün Ukrayna Prezidenti L. Kuçma Heydər Əliyevə dost müraciəti edir. Heydər Əliyev dünyaşöhrətli siyasətçi idi. O, dəniz yolu ilə Ukraynaya neft göndərərək onları çörəklə imtahana çəkilməkdən qurtarır. Kuçma bir müddət sonra Heydər Əliyevə müraciət edir ki, biz nə qədər sizə borcluyuq, onda Heydər Əliyev deyir ki, biz dost-qardaşın ağır günündə alver etmirik. Bu bir qardaş payı olsun. Baxın bizim belə dostluğumuz vardır. Bu gün bu dostluq Azərbaycan Prezidenti İlham Əliyev tərəfindən də, yüksək səviyyədə davam etdirilir.
Luis Perea: Bura gələn Azərbaycan ailələri Ukraynada yaşamaq qərarı verdikdən sonra onlar Rus, Ukrayna dillərində dərs keçirlər. Sonradan öz doğma dillərini unutmurlar ki?
Yunus Alıyev: o baxır ailələrə, bizim ailələrin çoxu öz adət-ənənələrini, dilini unutmurlar. Bizim millətin çox qəribə adətləri vardır. Məsələn biz sevirik xeyirxahlıq etməyi. Allah hər kəsə pul vermir, bəzilərinə verir və yoxlayır. Sən o pulla nə edirsən, kimə və necə hörmət edirsən? Bizdə insanlar millətindən fərqli olmayaraq yaxşılıq etməyi xoşlayırıq. Baxın bu divarda asılan diplom, qramotaları mənə əlillərə, yetimlər evinə dəstəyimə görə veriblər. Bu abidənin özünü də quran zaman Bakıdakı evimi satıb 50-min dollar bura pul yatırdım.
Diaspor fəaliyyətimə və ümumiyyətlə xidmətlərimə görə Azərbaycan Respublikasının Prezidenti İlham Əliyev məni Tərəqqi medalı ilə təltif etdi.
Biz də çalışırıq ki, yaşadığımız şəhərdə Azərbaycan Ukrayna xalqlarının sarsılmaz dostluğuna xidmət edək.
Diaspor info
Kiyev.
