ABŞ-da neft qazma qurğuları ixtisar edilir HASİLAT AZALIB
ABŞ-ın neft sənayesinin və qısamüddətli xam neft hasilatının göstəriciləri hesab olunan neft qazma qurğularının sayı bu həftə bir daha azaldılıb. DİASPOR.İNFO xəbər verir ki, neft sahəsində xidmət verən şirkət "Baker Hughes" tərəfindən açıqlanan həftəlik məlumatlara görə, ABŞ-dakı neft qazma qurğularının sayı əvvəlki həftələrə nisbətən 20-26 iyun həftəsində 188-ə qədər azaldılıb.
Bu azalmaya əsasən ölkədə neft qazma qurğularının sayı ardıcıl olaraq 15 həftə azaldılıb və ümumilikdə, 495 neft qazma qurğusu ixtisar edilib. Bu ölkədə neft sənayesinin göstəricilərinin və xam neft hasilatının aşağı düşdüyü ilə əlaqələndirilir.
Cümə axşamı günü birjada 41,05 ABŞ dolları səviyyəsində qapanış edən "Brent" markalı neftin bir barelinin qiyməti cümə günü isə 40,73 ABŞ dolları səviyyəsində olub. "Qərbi Texas" (WTI) markalı xam neftin bir barelinin qiyməti cümə günü 38,20 ABŞ dolları səviyyəsində olub. Lakin, WTI markalı neftin cümə axşamı bir barelinin qiyməti isə 38,72 ABŞ dolları səviyyəsində qərar tutub.
Müəllif: Nigar Məmmədova