VƏTƏN MÜHARİBƏSİNDƏ ŞƏHİD ÇİNGİZ MUSTAFAYEVİN DƏ QİSASI ALINDI.
Azərbaycan yenicə müstəqilliyini əldə etmişdir ki, xain qonşuları tərəfindən təcavüzlə rastlaşdı. Həmin vaxtı, yəni “Birinci Qarabağ” müharibəsi başlayan zaman, Azərbaycan nəinki müharibəyə hazır deyildi, hətta Milli ordusu belə tam formalaşmamışdı. Düzdür xain qonşumuz olan ermənilərin də, milli ordusu yox səviyyəsində idi, ancaq Azərbaycandan fərqli olaraq onlara havadarları tərəfindən xeyli silah-sursat hədiyyə olunduğuna görə, müharibənin sonu iyirmi faiz torpaqlarımızın itirilməsi ilə yekunlaşdı. Aydın məsələdir ki, itirilmiş torpaqlarımız, xalqımızın başına gətirilən soyqırımlarla heç bir qeyrətli Azərbaycan oğulu razılaşa bilməzdi. Həmin dövrdə igid, qeyrətli oğullarımız əliyalın olsalar da, yağı düşmənin hücumundan qorxub qaçmadılar, qəhrəmancasına döyüşərək, vətən yolunda şəhid oldular. Belə igid, qəhrəman oğullarımızdan biri də, Zaqatala şəhər sakini Mustafayev Çingiz Beydulla oğludur.
Çingiz haqqında daha ətraflı məlumat əldə etmək məqsədilə Zaqatala şəhərinə, şəhidin həyat yoldaşı Fəridə xanımla görüşə yollandıq. Fəridə xanımla keçmişi vərəqləyərək, Çingizlə bağlı xatirələri yada saldıq, ümumiyyətlə şəhidimizlə bağlı onunla xeyli söhbətləşdik. Fəridə xanımdan Çingiz Mustafayev haqqında öyrəndiyimiz bəzi sttistik məlumatları olduğu kimi oxucularımıza da, çatdırmaq istəyirik:
“Mustafayev Çingiz Beydulla oğlu 1955-ci ildə mart ayının 21-də, Zaqatala şəhərində anadan olub.
1962-82-ci illərdə Zaqatala Şəhər şəhid Zəfər Murtuzəliyev adına 1 saylı orta məktəbi bitirib.
Elə həmin ildə də Çingiz İldırım adına politexnik İnstitutuna qəbul olub. 1982-87-ci illərdə sözügedən təhsil ocağında təhsil alıb və oranı müvəfəqiyyətlə bitirib. Bir müddət Zaqatala rayonunda tikinti idarəsində işləyib. Daha sonra Zaqatala şəhərində yerləşən hərbi zavodda mühəndis kimi işləyib. Politexnik institutunda həmin dövrdə hərbi kafedra olduğuna görə, Çingiz Mustafayev də, leytenant rütbəsi almışdır. “
Şəhidini həyat yoldaşı Fəridə xanım da, ali təhsillidir, belə ki, o, rus dili müəlliməsidir.
Fəridə xanım deyir ki, Çingizlə ailə qurmazdan əvvəldə qohumluq əlaqələri olub: Həyat yoldaşımla qohumluğumuz olub. İlk tanışlığımız mənim xalamgildə olub. Uzaq qohum olduğumuza görə biri-birimizi elə də, yaxından tanımırdıq. Tanışlığımız sonradan ciddi münasibətlərin qurulmasına çevrildi və biz ailə qurduq. İki övladım bir oğlum, bir də, qızım oldu. Qızım 1-ci sinifə oğlum isə bağçaya gedirdi. Övladlarım Arzu və Azər o cəbhəyə gedəndə çox kiçik idilər.
Çingizin çox gözəl əl qabiliyyəti var idi. Yaxşı, proffessional tərzdə xəritə, çertiyoj çəkirdi. O, müharibəyə gedərkən onun qarşısını kəsib sual etdim ki, bəs sənin körpə uşaqların var, onları başsız qoyub hara gedirsən? Uşaqlarını kimə tapşırırsan? Dedi ki, mən səni başa düşürəm, ancaq burada qalaramsa, mən kişilərin arasına çıxa bilmərəm. O, Leytenant olub, cəbhəyə gedəndə isə, artıq baş Leytenant idi.
Artilleriyaçı kimi də, qısa müddətdə özünə hörmət qazana bilmişdir. Onun son döyüşüylə bağlı öz komandiri deyib ki, həmin döyüşə gedərkən onlar 70 nəfər olublar. Cəmi bir nəfər, həmin döyüşdə sağ qalıbdır. Şəhidin qızı da, dünyasını dəyişib.
Fəridə xanım rus dili müəlliməsidir.
İkinci Qarabağ savaşı, “Vətən Müharibəsi” zamanı bütün şəhidlərimiz kimi Çingiz Mustafayevin də,
qisası alındı, bu gün onun da, ruhu şaddır. Belə ki, uğrunda öldüyü torpaqlarda artıq Azərbaycan əsgəri dayanır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.