Balakən rayonunun Katex kəndindəki 2 saylı tam orta məktəbdə narkomaniyaya qarşı maarifləndirmə tədbirləri çərçivəsində şagirdlərlə növbəti görüş keçirilib. Bu barədə Diaspor.info-ya DİN-dən verilən xəbərdə deyilir.
Görüşdə polis əməkdaşları, məktəbin pedaqoji heyəti və yuxarı sinif şagirdləri iştirak ediblər.
Tədbirdə çıxış edən rayon polis şöbəsinin rəis müavini, polis polkovnik-leytenantı Elxan Zamanov narkotik vasitələrin cəmiyyət üçün yaratdığı problemlərdən danışıb, narkomanlığın yayılmasının qarşısının alınması istiqamətində həyata keçirilən tədbirlərdən söz açıb. O, yeniyetmə və gənclərin bu bəladan uzaq olmalarını, təhsilə, idmana maraq göstərmələrini tövsiyə edib.
Sonda mövzu ətrafında məktəbliləri maraqlandıran suallar cavablandırılıb.
481
