ZAQATALADA MƏDƏNİYYƏTƏ BAĞLI ÖMÜR ADLI TƏDBİR KEÇİRİLİB.

Zaqatala rayonu Yuxarı Tala sənətkarlıq evinin və Yuxarı Tala "3" saylı kitabxana kollektivlərinin birgə təşkilatçılığı ilə Ümummilli lider Heydər Əliyevin 100 illiyinə həsr olunmuş "Mədəniyyətə bağlı ömür" adlı tədbir keçirilib.
Tədbir Yuxarı Tala sənətkarlıq evinin zalında keçirilib.
"Mədəniyyətə bağlı ömür" adlı ədəbi- bədii gecədə Zaqatala rayon Mədəniyyət Mərkəzinin direktoru Aybəniz Heydərova, mərkəzin işçiləri və kənddə yerləşən məktəblərin, bağçaların, tibb sahəsinin işçiləri də iştirak ediblər.

Tədbiri Yuxarı Tala Sənətkarlıq evinin müdiri Pirdovs Zamanova açaraq, qonaqları salamlayıb və tədbiri açıq elan edib. Daha sonra Dövlət himni səsləndirilib. Sonra tədbirdə Ulu öndər Heydər Əliyevin və Azərbaycanın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Pirdovs xanım çıxışı zamanı Heydər Əliyevin mədəniyyətə göstərdiyi diqqət və qayğıdan ətraflı danışıb. "Ulu öndərimiz mədəniyyəti xalqımızın tükənməz sərvəti hesab edirdi, Ümumilli liderimizin əziz xatirəsi daim qəlblərdə yaşayacaq"
Daha sonra söz Zaqatala rayon Mədəniyyət Mərkəzinin direktoru Aybəniz Heydərovaya verilib.

Aybəniz xanım Ulu öndər Heydər Əliyevin mədəniyyət sahəsində gördüyü işlərdən geniş söhbət açıb və xüsusi vurğulayıb ki, Ümummilli liderimiz təkcə mədəniyyətə deyil, həmçinin elm, təhsil və səhiyyəyə də öz qayğısını heç vaxt əsirgəməyib.
Aybəniz xanımın çıxışından sonra söz Zaqatala rayon Mədəniyyət Mərkəzinin bədii rəhbəri Samirət Hümbətovaya verilib.

Samirət xanım Heydər Əliyevin Dahi, Ölməz və əvəzolunmaz bir şəxsiyyət olduğunu xüsusi vurğulayıb. Ulu öndərimizin uşaqlara göstərdiyi qayğıdan da geniş söhbət açaraq öz fikrini Ümumilli liderimizin aforizmi ilə bitirdi."Uşaqlar bizim gələcəyimizdir".
Daha sonra söz Yuxarı Tala sənətkarlıq evinin metodisti M.Vanatiyevaya verilib.
Mirvari xanım Ulu Öndər Heydər Əliyevlə canlı görüşündən geniş söhbət açaraq, Heydər Əliyevin necə sadə və səmimi insan olduğunu onun gözlərindən bəlli olduğunu xüsusi vurğulayıb. Mirvari xanım deyib ki, mən özümü xoşbəxt hiss edirəm çünki belə bir şəxsiyyətlə eyni görüşdə iştirak etmişəm.

Tədbirin bədii hissəsi isə ilk öncə Ulu öndərimizin sevdiyi mahnılardan biri ilə başlayıb. "Küçələrə su səpmişəm" mahnısından sonra müəssisənin dərnək üzvləri Ümumilli liderimiz Heydər Əliyevə aid kompazisiya ilə çıxış ediblər.
"Heydər babanın nəvələriyik" mahnısını oxuyan körpə fidanlar tamaşaçılar tərəfindən böyük rəğbətlə qarşılanıblar.
Ədəbi-bədii gecədə bir çox rəqslər, mahnılar səsləndirilmişdir. Tədbir çay süfrəsi arxasında səmimi söhbətlə yekunlaşıb.

Əlmaniz Ələkbərli
Azərbaycan Yazıçılar Və
Jurnalistlər Birliyinin Üzvü