BALAKƏN YOL POLİSİNİN MÜKƏMMƏL İŞİ GÖZ QARŞISINDADIR.
Balakən rayon polis şöbəsinin peşəkar fəaliyyəti haqqında dəfələrlə yazmışam. Bu gün AYB-nin Şimal-Qərb regional bölməsinin sədri kimi Balakən yazarları ilə görüşə gedirdim və şəhərin mərkəzində YPX-nin işlədiyini görüb, maşını saxladım.
Əgər jurnalist ədalətlidirsə, yaxşını da, neqativ halları da görməyi bacarmalıdır. Odur ki, həmişə demişəm, bu gün də deyirəm ki, Balakən polis şöbəsi və Balakən YPX-nin işi mükəmməldir. Bölgədə təkcə Balakən rayonunda maşının arxasının yerlə süründüyünün heç vaxt şahidi olmamışam, hətta Bakı şəhərində də, belə neqativ hallara rast gəlmişəm. Bu gün Balakən RPŞ DYPB-nin rəisi İlkin Hümmətovu da, şəhərdə iş başında gördüm. Əlbəttə kabinet xəstəliyinə tutulmayan Balakən RPŞ-nin rəhbər heyətini həmişə vətəndaşların arasında görürük. Buna hamı kimi mən də, adi hal kimi baxıram. Danılmaz faktdır ki, bunu hər rayon polis şöbəsinin rəhbərləri haqqında demək olmaz. Bir jurnalist kimi daima insanların arasında olduğuma görə Balakən RPŞ-nin rəisi Polis polkovniki Çingiz Aslanov haqqında peşəkar polis olmaqla yanaşı, həm də qəbula gələnlərə bir ata, qardaş kimi, münasibət göstərməsi haqqında çox eşitmişəm. Balakən RPŞ-nin rəis müavini Polis polkovnik-leytenantı Elxan Zamanovun rayonda keçirilən tədbirlərdə etdiyi maarifləndirici çıxışlar haqqında da, xoş sözlər eşitmişəm, xüsusən də, təhsil işçiləri, müəllim və məktəblilər onun çıxışından çox ibrət götürdüklərini söyləyirlər. Mənə elə gəlir ki, Balakən polis şöbəsinin rəhbər heyyəti nümunəvi Azərbaycan polisi kimi istənilən yerdə Azərbaycanımızı təmsil edə bilərlər, həm peşəkarlığı, savadı və həm də, fiziki cəhətdən buna hazırdırlar.
Bu gün Balakən şəhərinin bir çox küçələrində avtomobil yollarının rənglənməsinin şahidi olduğuma görə, bu işdə zəhməti keçənlərə ayrıca təşəkkürümü bildirirəm.
Ümumiyyətlə isə, Balakəndə gördüklərimə görə Azərbaycan Respublikası Daxili İşlər Naziri Vilayət Eyvazov cənablarına və Balakən rayon polis şöbəsinin rəisi Çingiz Aslanov başda olmaqla onun kollektivinə dərin minnətdarlığımızı bildiririk.
ƏLMANİZ ƏLƏKBƏRLİ
Azərbaycan Jurnalistlər Və
Yazıçılar Birliyinin Üzvü
[/center]
