AYB-NİN REGİONAL BÖLMƏSİNİN SƏDRİ QAX YAZARLARI İLƏ GÖRÜŞÜB.
Azərbaycan Yazıçılar Birliyinin yeni yaradılmış Şimal-Qərb Regional bölməsinin sədri Əlmaniz Ələkbərli Balakən yazarları ilə görüşdən sonra, tanışlıq üçün Qax yazarları ilə də görüş keçirib. Tədbir Qax rayon C.Cabbarlı adına Mərkəzi Kitabxananın oxu zalında baş tutub. Tədbirdən sonra AYB-nin Şimal-Qərb Regional Bölməsinin sədri Əlmaniz Ələkbərli saytımıza kiçik müsahibə verərək, onun mahiyyətindən danışıb:- ilk öncə tədbirin keçirilməsi üçün bizə şərait yaradan Qax RİH-nin başçısı Musa Şəkiliyevə və Qax MKS-nin rəhbəri Güllü Əhmədovaya təşəkkürümü bildirirəm. Qax yazarları ilə keçirdiyimiz görüşün bir məqsədi var, rayonda ədəbi mühitin inkişafı üçün gənc yazarların önə çəkilməsi, ümumiyyətlə qaxlı şair və yazıçıları Respublika ictimaiyyətinə tanıtmaq, azsaylı xalqların nümayəndələrinin öz ana dillərində yazdıqları yazıları dərc etmək vəs. ibarətdir. Tədbirimiz çox məsuldar keçdi, yazarların şeirləri ilə daha da maraqlı, rəngarəng oldu.
Görüşdə RİH-nin İctimai siyasi və humanitar məsələlər şöbəsinin müdir müavini Nəzirməmməd Nəsirov da iştirak etmişdir. N. Nəsirov tədbirdə çıxış edərək, Qax RİH başçısı Musa Şəkiliyevin təbrikini çatdırdı və tədbir iştirakçılarına uğurlar arzuladı.
Daha sonra tədbirdə Qax yazarlarından olan ağsaqqal Abdulla Şahmir çıxış edərək yeni yaradılan bölməni alqışladı və regional bölmənin daha da, aktiv işləyəcəyinə, yazarların tez-tez bir araya gələcəyinə ümid etdiyini xüsusi vurğuladı.
Sonra tədbirdə Qax MKS-nin rəhbəri Güllü Əhmədova da çıxış edərək, bu görüşün məhz kitabxanada keçirilməsini xoş bir hal olduğunu vurğuladı. Sonra Qax şairləri bir neçə şeirlər söyləyərək, tədbiri daha da, maraqlı, rəngarəng etdilər.
Bundan əlavə tədbirdə Solmaz Elqızı, dəyərli qələm ustası, journalist Xavər Əfəndiyeva, Güllü Əhmədova, Nuriyyə Əlimova, Ahidə Əfəndiyeva, Xatın Hətəmova və Vüsalə Mustafayeva çıxış edərək yeni yaranmış AYB-nin Şimal-Qərb Regional Bölməsinə fəaliyyətində uğurlar arzu etmişlər.
Sonda yazıçı-jurnalist Əlmaniz Ələkbərli müəllifi olduğu Şanlı Tarix Yazanlar, Şərəfli Ömür Yolu və Dastana Dönən Şərəfli Ömür kitablarını Qax rayon MKS-nin fonduna hədiyyə etmişdir.
Sadiq Ələkbərli
Diaspor.info. QAX.