ÜÇ DÖVLƏTİN YAZIÇILAR BİRLİYİNİN ÜZVÜ GİYA PAÇXATAŞVİLİNİ BAKIDAKI EVİNDƏ ZİYARƏT ETDİK.
Azərbaycan Yazıçılar Birliyinin üzvü Giya Paçxataşvili əslən Qax rayonundandır. Azərbaycan Yazıçılar Birliyinin Şimal Qərb Regional Bölməsinin sədri Əlmaniz Ələkbərlinin Qax yazarları ilə görüşü zamanı Giya Paçxataşvili də tədbirə qatılmışdı. Həmin vaxtı Giya Paçxataşvili dedi ki, baxmayaraq ki, Azərbaycan, Rusiya və Gürcüstan Yazıçılar Birliyinin üzvüdür, bundan əlavə Azərbaycan Yazıçılar Birliyinin Şimal Qərb Regional Bölməsinin üzvlük vəsiqəsini də sevərək üzərində gəzdirmək istəyir.
Biz də iki qonşu dövlətlər və xalqların dostluğu yolunda dayanmadan çalışan, bir neçə dillərdə şeirlər tərcümə edən, özü də gözəl şeirlər yazan, Ağ adam, gözdən əlil Giya Paçxataşvilini evində ziyarət etməyi özümüzə borc bildik. Nərimanov rayonunda yaşayan Giya və xanımı Xatirə Paçxataşvili ailəsinə göstərdikləri qonaqpərvərliyə görə təşəkkür edirəm. Onun evi də bir muzeyi xatırladır. Baxmayaraq ki, adam gözdən əlildir, ancaq gördüyü işlər gözləri sağlam insanlardan daha çoxdur desək yanılmarıq.
Giya Paçxataşvili sizə can sağlığı və yaradıcılıq uğurları arzulayırıq.
Əlmaniz Ələkbərli
Baş redaktor.
