Həlak olan minatəmizləyənlərə şəhid adının verilməsi təklifi müsbət qarşılanıb.
Diaspor info xəbər verir ki, bununla bağlı Milli Məclisin Müdafiə, təhlükəsizlik və korrupsiya ilə mübarizə komitəsinin bugünkü iclasında komitə sədri Arzu Nağıyev deyib.
O qeyd edib ki, minatəmizləyənlərə təklif edilən güzəşt və imtiyazların tətbiqi üçün müvafiq qanunlara dəyişiklik edilə bilər:
“Bu haqda da aidiyyəti qurumlarla danışıq aparılıb”.
Xatırladaq ki, adıçəkilən komitədə qanun layihəsinin birinci oxunuşu zamanı deputat Səbinə Salmanova minatəmizləyənlərə vəzifələrini icra edərkən həlak olduqları halda şəhid statusunun verilməsini təklif etmişdi.
461
