Kaş məni taniyaydın
Bir çağlayan dağ seliyəm,
Tufan olsa bir dəliyəm,
Səndən yaman gileyliyəm
Kaş ki,məni tanıyaydın.
Bulud olub ağlar gözüm,
Ürəyimdə qalıb sözüm,
Sənə qurban olum özüm,
Kaş ki,məni tanıyaydın.
Sənə sənsiz vurulmuşam,
Saf bulaq tək durulmuşam,
Eşqindən dəli olmuşam,
Kaş ki,məni tanıyaydın.
Sevgim mənə oldu kədər,
Xoş anlarım getdi hədər,
Soyuqluğun bəsdir,yetər,
Kaş ki,məni taniyaydın.
Könlümə nəsihət
Könül,sənə nəsihətim var mənim,
Buyrulmayan işi sevəndən olma.
Yerli-yersiz kimsələri dindirmə,
Özünü hörmətsiz edəndən olma.
Olsan da dünyada bir böyük rəhbər,
Sənə dünya malı olsa müyəssər,
Sonda olacaqsan yerlə bərabər,
Var-dövlət dalınca gedəndən olma.
Yaxşı dosta hər an eylə etibar,
Adama hər zaman adamlıq qalar.
Hər sözü söyləmə,yerdə qulaq var,
Sirrini yadlara satandan olma.
Aldanıb inanma şeytan sözünə,
Sözün varsa, de rəqibin üzünə.
Doğru söylə,dik bax namərd gözünə,
Yaxşını yamana qatandan olma.
Züleyxa olmuşdur hər zaman nakam,
Bir kimsə etməmiş dərdinə dərman.
Əlbət bir gün gələr Allahdan fərman,
Qəflət yuxusunda yatandan olma.
Xəbərsizsən xəbərsiz
Sənə vurulmağımdan,
Alışıb yanmağımdan,
Bu yaşda azmağımdan,
Xəbərsizsən,xəbərsiz.
Tufana düşməyimdən,
Sənsiz üşüməyimdən,
Keçirsən ürəyimdən,
Xəbərsizsən,xəbərsiz.
Sənə bağlandım yaman,
Qara göz,qaşı kaman,
Həsrət verməyir aman,
Xəbərsizsən,xəbərsiz.
Baxaraq yollarına,
Daldım xəyallarına,
Həsrətəm qollarına,
Xəbərsizsən,xəbərsiz.
Gözlərimin yaşından,
Kipriyimdən,qaşımdan,
Nələr keçir başımdan,
Xəbərsizsən,xəbərsiz.
Sənə çatmayır əlim,
Yanına necə gəlim,
Yaşım olub əngəlim,
Xəbərsizsən,xəbərsiz.
Züleyxanın özündən,
Söhbətindən,sözündən,
Alovundan,közündən,
Xəbərsizsən,xəbərsiz.
