Kim deyir ki unutdum səni ?
Baxdığım hər yerdə səni görürəm
Həsrətin məskən salıb köksümdə
Əvvəlki tək danışmıram, gülmürəm
Yetərsizdi sözlərim cümlələrim
Mən səni kimləsə əvəz edə bilməmişəm
Bir sevgi böyütmüşəm qəlbimdə
Varlığına şükür edib, yoxluğuna üsyan etmişəm
Sənsizlik yıxır məni zaman keçdikcə
Həsrətinin alovundan kül oluram hər gecə
Bu yükü bu yaşda daşıyım de necə ?
Gülüm:- Əcəl gəlib qonağımdır bu gecə
Həsrətin dağ çəkib köksümə gülüm
Nəfəsim daralır yetişmir ölüm
Vaxtsız ayrılığın gətirdi zülüm
Nə olar gel daha ,gəl ömrüm günüm
Bilirəm duyursan bu fəryadımı
Gözümdən süzülən hər damla yaşı
İçimdə baş tutan fırtınaları
Ovutmur, dindirmir bir kimsə Gülüm
Kimdən alım sənsizliyin dərmanın
Könül istər ki hər an yanında olum
Ötən hər günüm,hər dəqiqəm, anım
Sanki cəhənnəmdir,zillətdir Gülüm
Gedişinin yükünü daşıya bilməz oldum
Olmadığın bu dünya ilə barışmaz oldum
Getdikcə borana sisə qərq oldum
Nə olar gəl daha gəl ömrüm günüm
Bir bilsən sənsiz nə hallardayam
Qəlbim qırılır hər adi sözdən
Tükənir taqətim üzülür ürək
Nə olar gəl daha gəl ömrüm günüm
Yaralı qəlbimə sonsuz məlhəmim
Qaranlıq gecəmə doğan günəşim
Canım çox yanır, çatmır nəfəsim
Al məni yanına nə olar Gülüm
Tanrım məni sənsizliklə Sinayir
Sanki gələn günlərim sayılı qalıb
Yoxluğun köksümdə nalə qoparır
Nə olar gəl daha gəl ömrüm günüm
Hardasan sən ? Yoxluğuna dözmək çətin
Darıxmaqmı? Adı olmuş həsrətimin
Çəkilmir bu həyat sənsiz
Bilirsənmi? Necəydi qəlbimdə yerin
Gedişinlə bütün həyatım dəyişmədimi?
Gülüşüm üzümdə saralıb soldu
Sənsiz bir hekayəm yazılır artıq
Gözümün yaşları axdı sel oldu
Yorulmuşam necə deyim yaşayıram
Tükənir taqətim, üzülür qəlbim
Canımdan can çıxır hər gecə mənim
Birdə görəcəksən səssizcə qapını döyürəm sənin
Demirəm gəl yanıma, qayıt dünyama
Demirəm sev məni ,həyata bağla
Ölürəm nə olar ,apar yanına
Ruhsuz yaşamağım öldürür məni
Qələmim bu gündə səndən danışır
Nə qədər yazsam da sözlər yetməyir
Danışıram, gülürəm həyatdır deyib
Bil içimdəki həsrət hələ bitməyib
Dərdimə bir çarə axtararkən mən
Həsrətin, hicranın şərabın daddım
Kaş bircə dəfə meyxoş olsaydım
Sənsiz bu həyatda çox oyaq qaldım
Xəyalın canlanır gözümün önündə
Əllərim əlinə uzanan qaldı
Bəlkə Tanrıya sual edəsən?
Tərk edib getdiyim nəvəm mənsiz
Bu qədər zaman necə tək qaldı?
Düşünmə bir an belə olsa unutdum səni
Ruhumu ruhuna həbs elədim mən
Çətindi yaşamaq biləsən bunu
Az qalıb Gülüm addım-addım sənə gəlirəm mən.
Gülümsə şeirim olmusan bu gün
Dərdimə ortağım deyilsən amma
Ey mənim üzümdə solan gülüşüm
Sən mənim ilk eşqim,ilk məhəbbətim
Sən sevgi yolum, eşq məbədim
Bitmək bilməyən dərdim sərim
Heçnə etmir yoxluğuna çarə
Sən ey ilk eşqim, ilk məhəbbətim
Dərdini dərd edib dərdli ürəyim
Hey səni axtarır qəmli gözlərim
Susub,lal olub danışan dilim
Sən ey ilk eşqim,ilk məhəbbətim
Həsrətimin dili yoxdur danışsın
Gücüm yoxdur bu can yoxluğunla barışsın
Qoyma ürək sənsizlikdən alışsın
Sən ey ilk eşqim,ilk məhəbbətim