ÖMRÜNÜN 41- İLİNİ MÜƏLLİMLİYƏ HƏSR EDƏN ZİYALIMIZ RİZVAN POLADOVU YAXINDAN TANIMAĞA DƏYƏR.
...........ÜMUMİYYƏTLƏ PROQRAMLAR ÇOX AĞIRDIR.
ELƏ FƏNLƏR VARDIR Kİ, BİR MÖVZU ÜÇÜN BİR SAAT AYRILIR, BU DA, MÖVZUNUN TAM MƏNİMSƏNİLMƏSİNƏ BƏS ETMİR. ODUR Kİ, ŞAGİRDLƏR REPETİTOR YANINA GEDİRLƏR. ƏGƏR BUNLAR NƏZƏRƏ ALINARSA ŞAGİRDLƏR MƏKTƏBƏ DAHA ÇOX HƏVƏSLƏ GƏLƏRLƏR.
KURRİKULUMUN XEYLİ MÜSBƏT CƏHƏTLƏRİ OLDUĞU KİMİ MƏNFİ TƏSİRLƏRİ DƏ, VAR, MƏSƏLƏN:- SƏRBƏST YAZMAQ, FİKRİNİ İFADƏ ETMƏK , ŞAGİRDLƏR DAHA ÇOX TESTLƏRLƏ İŞLƏDİYİNƏ GÖRƏ DAHA ÇOX ƏZBƏRÇİLİYƏ YOL VERİRLƏR........
BİLİRSİNİZMİ BU GÜN ƏDƏBİYYAT FƏNNİ BURAXILIŞ İMTAHANINA DÜŞMƏDİYİNƏ GÖRƏ ŞAGİRDLƏR BU FƏNNƏ BİGANƏ YANAŞIR. HANSI Kİ, ƏDİBLƏRİMİZ, DAHİ YAZARLARIMIZI DƏRİNDƏN ÖYRƏNMƏK, ŞAGİRDLƏRİN DAHA VƏTƏNPƏRVƏR BÖYÜMƏSİNƏ GƏTİRİB ÇIXARARDI.
QOCAMAN PEDAQOQ
RİZVAN POLADOV.
Diaspor.info saytının Şimal-Qərb bölgəsinin əməkdaşları Balakən rayonu Bedağar kənd tam orta məktəbinin qocaman müəllimi Rizvan Poladovla görüşüb. Rizvan müəllim əməkdaşlarımızı gözləmədiyi üçün, biraz tərəddüd etdi. Ancaq sonradan onun yaşlı pedaqoq olmasına görə, ümmu bir fikirlərinə, məsləhətinə ehtiyac duyulduğunu bildirdikdə bizimlə razılaşdı. Rizvan Poladov artıq ömrünün 41 ilini məhz müəllimliyə həsr edib. O, şagirdlərə köhnə, nimdaş, uyğunlaşdırılmış bir məktəbdə təhsil verməkdən yorulmayıb. Heç vaxt daha müasir binası olan məktəblərə dərs deməyə getməyib, sədaqətini hər sahədə göstərib. Rizvan müəllim ağsaqqal müəllim, təcrübəli pedaqoq olmaqla yanaşı, həm də, çox müasir, demokratik fikirləri olan bir ziyalıdır. Rizvan müəllimin həyat yoldaşı da, həmin məktəbin müəlliməsidir.
Rizvan müəllimlə söhbətimiz zamanı elə vacib məqamlara toxundu ki, bəlkə də, bu günə kimi bu məsələyə heç kim belə münasibət bildirməmişdir.
O, repetitorluqla bağlı qıssa və konkret, dəyərli fikirlərini bildirdi. Proqramlar çox ağırdır və elə mövzular vardır ki, onu bir saata qavramaq, şagirdin anlaması mümkünsüzdür. Odur ki, şagird məcbur qalıb, repetitor yanına gedir.
Rizvan müəllimlə kameradan kənar səmimi söhbətimiz zamanı qocaman pedaqoq kimi tədris etdiyi ədəbiyyat fənninə də, toxundu:-bu gün ədəbiyyat fənni şagirdlərin bir o qədər maraq dairəsinə uyğun gəlmir. Şagirdlər bütün gücünü yalnız testə düşən fənlərə sərf edirlər. Bu düzgün deyil, təsəvvür edin, şagird savadlı bir mütəxəssis kimi yetişir, texniki fənləri yüksək səviyyədə bilir, ancaq, Nizami Gəncəvini, Hüseyn Cavidi tanımır. Hesab edirəm ki, ədəbiyyat fənni buraxılış imtahanlarına salınsaydı çox yaxşı olardı, gələcəyimiz üçün daha çox vətənpərvər insanlar yetişdirərdik.
Məktəbin həyətinə, sinif otaqlarına və ümumiyyətlə binaya baxarkən, inanmağın gəlmir ki, burada uşaq oxuyur. Məktəb ümumiyyətlə çox qəzalı vəziyyətdədir. Bununla bağlı da, Rizvan müəllimin fikirlərini öyrəndik:-Əlbəttə bu bina məktəb binası deyildir. Buna uyğunlaşdırılmış bina deyirlər. Gördüyünüz kimi mən ömrümün 41 ilini bu müəssisədə dərs demişəm və heç də, yaxşı yerlər axtarmamışam. Ancaq belə bir məktəbdə oxuyan şagirdlərin əksəriyyəti xüsusən də, yaxşı oxuyanlar, 6-cı sinifdən sonra şəhərin daha müasir binaları olan məktəblərinə gedirlər. Bu da, bizim əziyyətimizin itməsi deməkdir. Təkcə ağsaqqal pedaqoq, müəllim kimi deyil, həm də, kənd ziyalıları adından xahiş edirəm ki, Bedağar kəndinə də, müasir məktəb binası tikilsin, bu uşaqlar da, odun tüstüsü ilə deyil, daha təmiz, səliqəli siniflərdə dərs alsınlar.
Rizvan müəllim bir ağsaqqal kimi, rayonun sayılan ziyalısı kimi ailəsilə birgə çiçəklənən Azərbaycanımıza, Azərbaycan dövlətinə və onun Prezidentinə sədaqətlə xidmət edir.
Diaspor.info
Balakən
