Azərbaycan yenicə müstəqilliyini əldə etmişdir ki, xain qonşuları tərəfindən təcavüzlə rastlaşdı. Həmin vaxtı, yəni “Birinci Qarabağ” müharibəsi başlayan zaman, Azərbaycan nəinki müharibəyə hazır deyildi, hətta Milli ordusu belə tam formalaşmamışdı. Düzdür xain qonşumuz olan ermənilərin də, milli ordusu yox səviyyəsində idi, ancaq Azərbaycandan fərqli olaraq onlara havadarları tərəfindən xeyli silah-sursat hədiyyə olunduğuna görə, müharibənin sonu iyirmi faiz torpaqlarımızın itirilməsi ilə yekunlaşdı. Aydın məsələdir ki, itirilmiş torpaqlarımız, xalqımızın başına gətirilən soyqırımlarla heç bir qeyrətli Azərbaycan oğulu razılaşa bilməzdi. Həmin dövrdə igid, qeyrətli oğullarımız əliyalın olsalar da, yağı düşmənin hücumundan qorxub qaçmadılar, qəhrəmancasına döyüşərək, vətən yolunda şəhid oldular. Belə igid, qəhrəman oğullarımızdan biri də, Zaqatala rayonu Üçüncü Tala kənd sakini Qazıyev Məlik Osman oğludur
Şəhid haqqında daha çox məlumat əldə etmək məqsədilə Zaqatala rayonu Üçüncü Tala kəndinə yollandıq.
Şəhidin doğmalarıyla, o cümlədən bibisi oğlu Veysəllə görüşüb, xeyli söhbətləşdik:
Qazıyev Məlik Osman oğlu 10 iyun 1972-ci ildə 3-cü tala kəndində anadan olub. 1979-cu ildə məktəbə gedib və 8 il oxuyub. Sonra kənd təsərrüfatı ilə məşğul olub. 1990-cı ildə həqiqi hərbi xidmətə gedib. Qusarda xidmətə başlayıb. 1992-ci ildə hərbi xidməti başa vurub geri gəlib.
1993-cü il fevralın 17-də Ağdərə rayon Vaquas kəndi yaxınlığında gedən döyüşlərdə şəhid olub. 3-cü Tala kənd qəbirstanlığında dəfn olunub. Tala kənd körpələr evi onun adını daşıyır. Ailədə 6 uşaq olublar 3 oğlan 3 qız . Uşaqlıqdan çox sakit olub. Şəhidin Anası Həlimət və atası rəhmətə gedib. rəhmətə gedib.
Üçüncü Tala kənd uşaq bağçası şəhid Məlik Qazıyevin adını daşıyıır.
İkinci Qarabağ savaşı, “Vətən Müharibəsi” zamanı bütün şəhidlərimiz kimi Məlik Qaziyevin də,
qisası alındı, bu gün onun da, ruhu şaddır. Belə ki, uğrunda öldüyü torpaqlarda artıq Azərbaycan əsgəri dayanır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.