NAXÇIVAN MR RƏHBƏRİNDƏN İBRƏTAMİZ ADDIM.
Mənim qohumumun barmaqları əməliyyat olunaraq, yenidən əvvəlki vəziyyətinə gətirilib və qolunda da, Vasif Talıbovun qol saatı vardır.
İlham Vəliyev.
Diaspor.info-nun Naxçıvan bürosu xəbər verir ki, 44 günlük “Vətən” müharibəsindən sonra, istər Şəhid ailələri, istər də, qazilərimizə birbaşa muxtar respublika rəhbərliyi səviyyəsində diqqət göstərilir.
Ümumiyyətlə isə, Naxçıvan igidlər, ərənlər diyarı olmaqla yanaşı, bu gün Şərqlə-Qərbin vəhdətini təşkil edən, Şərqlə-Qərb arasında görüş yeri kimi tanınan gözəl bir yaşayış məskənidir. Naxçıvana qonaq gələn hər bir insan bu torpağa valeh olduğunu deyir. Məsələn: Ukraynanın Nikolayev şəhərindən bu torpağa qonaq olmuş İlham müəllim öz təəssüratlarını saytımızın Ukrayna bürosuna danışıb:”mən bu torpağa valeh oldum, bilirsinizmi, ona görə yox ki, dini baxımdan çox əhəmiyyəti olan “Əshabikəf” ziyarətgahı məhz Naxçıvandadır, ona görə ki, muxtar respublika rəhbərliyi orada elə bir şərait yaradıb ki, dünyanın bütün müsəlmanlarına örnəkdir.
Ona görə yox ki, orada “Mömünə-xatun”məqbərəsi, “Qarabağlar” türbəsi vardır, əsla yox, ona görə ki, məqbərəylə üzbəüz müasir tələblərə cavab verən yaşayış binaları, kibrit çöpü tapa bilmədiyimiz təmiz və enli küçələri, ən nəhayət Qarabağlara getdiyimiz enli, dünya standartlarına cavab verən yolları vardır, bax buna görə mən bu torpağa vuruldum.
Mən Naxçıvan MR-sı Ali məclisinin sədri Vasif Talıbovu şəxsən tanımıram, ancaq onun atdığı ibrətamiz addımları da, məni valeh edir.
Bu yaxınlarda Azərbaycanda olarkən Zaqataladan bir qohumumla söhbət edirdim. Onun övladı Naxçıvanda hərbi xidmət edib və “Vətən” müharibəsində qəhrəmanlıq göstərib. Vasif Talıbov qəhrəman əsgərlərlə görüşüb, söhbət edən zaman görüb ki, mənim qohumum onunla barmaqları ilə görüşüb. Dərhal onun əlinə fikir verən sədr ondan soruşub ki, niyə barmaqların açılmır, o da, deyib ki, müharibədən yadigardır.
Cənab sədr yerində əmr verib ki, bu qəhrəmanımızın əli əməliyyat olunsun və əvvəlki vəziyyətinə gətirilsin. Və elə həmin anda öz qol saatını əlindən açaraq, qəhrəman əsgərin qoluna bağlayıb. Mənim qohumumun barmaqları əməliyyat olunaraq, yenidən əvvəlki vəziyyətinə gətirilib və qolunda da, Vasif Talıbovun qol saatı vardır. Mən bu hadisədən çox təsirləndim, deməli Vasif Talıbov doğrudan da, Atalıq edir, hər bir vətəndaşına öz doğma övladı kimi yanaşır?! Nə qədər xoş bir hadisədir, deyilmi?, kaş ki, bütün rəhbərlərimiz Prezident İlham Əliyevin ətrafında cənab Sədr kimi sədaqətlə xidmət edərdilər. Bax onda Azərbaycan kimi güclü ikinci dövlət dünyada olmazdı. Gənc əsgəri qəhrəman xalqıq, rəhbəri hər bir qəhrəmanını öz övladı bilib, bağrına basırsa, bizim Xalq çox qüdrətlidir. Ukraynadan Naxçıvan MR-sı Ali məclisinin Sədri Vasif Talıbov cənablarına xüsusi minnətdarlığımı bildirirəm. Onu da xüsusi vurğulamaq istəyirəm ki, bu hadisə heç bir yerdə işıqlandırılmayıb. Mən kənar ölkədə yaşayıram və hesab edirəm ki, yaxşının qiymətini zamanında vermək lazımdır.”
Naxçıvan MR-sı Azərbaycanın necə sürətlə inkişaf etmiş bir ölkə olduğunu özündə cəm edən, ən yaxşı yaşayış məskənidir. Əlbəttə ki, Cənab Prezident İlham Əliyevin rəhbərliyi altında aparılan sürətli inkişafda Naxçıvan Ali məclisinin Sədri Vasif Talıbovun da, danılmaz və tarixə qızıl hərflərlə yazılmış xidmətləri var.
Diaspor.info
Naxçıvan-Ukrayna.
2 444