"COVID-19 xəstəliyinə qarşı peyvənd olunmanı, peyvəndləməyə əks göstərişi, neqativ PZR test nəticəsini əks etdirən və COVID-19 xəstəliyinə yoluxmuş şəxslərin sağalaraq immunitetə malik olmalarını təsdiq edən sertifikatların tanınması Qaydası" nda dəyişiklik olunub.
Diaspor info-xəbər verir ki, müvafiq qərarı Baş nazir Əli Əsədov imzalayıb.
Sənədə əsasən, koronavirus sertifikatlarının etibarlılıq müddəti COVID-19 xəstəliyinə qarşı peyvənd olunmanı təsdiqləyən sertifikat üzrə altı ay, həmin müddət bitdikdən sonra peyvənd istehsalçısının istifadə təlimatında iki doza vurulması nəzərdə tutulan peyvəndin bir dozasını aldıqda müddətsiz olacaq.
Qərar 2022-ci il 15 fevral tarixindən qüvvəyə minəcək.
Hazırkı qaydalara görə, sözügedən sertifikatın etibarlılıq müddəti müəyyən edilməyib.