BALAKƏN POLİSİNİN KEÇİRDİYİ UĞURLU ƏMƏLİYYAT İCTİMAİYYƏT TƏRƏFİNDƏN ALQIŞLANIR.
Balakən RPŞ-nin rəisi Çingiz Aslanov rayonda xidmətə
başladığı gündən narkotacirlərə qarşı amansız
mübarizə aparır. Narkotacirlərin aşkar edilməsi, onların
izlənməsi və məhz iş başında yaxalanması üçün yuxusuz
gecələr lazımdır ki, bunu da, Balakən polisi sevə-sevə edir.
Diaspor.infonun Şimal-qərb bürosu xəbər verir ki, Balakən rayon polis şöbəsinin ayıq-sayıqlığı sayəsində on kiloqram narkotik vasitəsinin satışının qarşısı alınıb. Bu barədə mətbuatda da, xeyli xəbərlər yayıldı. Məsələni yaxından araşdırdığımıza görə bu işdə görünməyən tərəflərdən danışmaq istəyirik. Külli miqdarda narkotiklərin satışı ilə məşğul olanların məhz Azərbaycanda tutulması, polisimizin ayıq-sayıqlığından xəbər verir. Bu xüsusda Balakən RPŞ-nin öz dəsti-xətti vardır. Təsadüfi deyil ki, xarici ölkədən qaçaqmalçılıq yolu ilə Azərbaycana gətirilən narkotik vasitəsinin satışının qarşısını, məhz Balakən rayonunda alırlar.
Balakən RPŞ-nin rəisi Çingiz Aslanov rayonda xidmətə başladığı gündən narkotacirlərə qarşı amansız mübarizə aparır. Narkotacirlərin aşkar edilməsi, onların izlənməsi və məhz iş başında yaxalamaq üçün yuxusuz gecələr lazımdır ki, bunu da, Balakən polisi sevə-sevə edir. Artıq bu bölgədə hamı bilir ki, Balakən RPŞ-nin rəis müavini Elxan Zamanov cinayətkarlıqla və narkotiklərlə mübarizədə həddən artıq amansızdır. Demək ki, bu sahədə alver edənlərin çoxu, bu rayonu yaxşı tanımayan digər bölgələrdən gələnlərdir, çünki yerli narkotacirlər bilirlər ki, tutulsalar onları həbsdən heç kim çıxara bilməyəcəkdir. Kənardan bu kimi hadisələri izləyən bir ziyalı kimi deyə bilərəm ki, bu ümumi işin xeyrinədir. Belə ki, narkotacirliyə yeni başlamaq istəyən bir insan əmin olsa ki, onu iş başında tutsalar mütləq həbs ediləcəkdir, o, heç buna başlamayacaq.
Bu gün balakəndə hamı bilir ki, Polis ilk öncə öz nazirinə və dövlətinə sədaqətlə xidmət edir. Bunu Balakən polisləri sözdə, danışıqda deyil, əməli işləri ilə sübut edirlər. Bu günlərdə keçirdiyi uğurlu əməliyyatla bunu bir daha sübut etdilər.
Odur ki, bir neçə dövlətlərdən müxtəlif yollarla narkotik keçirən qaçaqmalçılar, Azərbaycandan tranzit ölkə kimi istifadə edə bilmirlər.
Buna görə həyatlarını risqə atan polisimizə minnətdarıq.
Əlmaniz Ələkbərli
Azərbaycan Jurnalistlər
Və Yazıçılar Birliyinin Üzvü.
