FƏRRUX DAĞI UĞRUNDA ŞƏHİD OLMUŞ İSGƏNDƏR MƏMMƏDOVUN RUHU ŞADDIR, ÇÜNKİ HƏMİN ZİRVƏDƏ AZƏRBAYCAN ƏSGƏRİ DAYANIR.
Birinci Qarabağ savaşından sonra Azərbaycan iyirmi faiz torpaqlarını itirməli oldu.
Xalqımız illərdir ki, dünyadan siyasi ədalət gözləyirdi. Ancaq bununla bərabər öz siyasi-iqtisadi və hərbi gücünü də, artırmağa daha da, önəm verirdi. Birinci Qarabağ savaşında nizamsız Azərbaycan ordusuna qarşı vuruşan ermənilər heç vaxt gözləməzdilər ki, onların qarşısına çıxan ordu nəinki ermənilərdən güclüdür, hətta dünyanın aparıcı ordularıyla sıx əməkdaşlıq edən bir ordudur.
İkinci Qarabağ savaşı başlayan gündən müasir Azərbaycan ordusu ermənilərə qan uddurmağa başladı və cəmi 44 gün ərzində özlərini məğlubedilməz hesab edənlər ordumuzun qarşısında diz çökərək, ağ bayraq qaldırmağa başladılar.
Hazırda müzəffər Azərbaycan əsgəri Qarabağda keşik çəkir, onlar erməni əsgərlərini torpaqlarımızdan qovub çıxarıblar. Bu gün Fərrux dağı uğrunda gedən döyüşlərdə şəhid olanların da, ruhu şaddır, çünki bu zirvə də, artıq ordumuzun nəzarətinə keçib. Zaqatala rayon Qımır kənd sakini İsgəndər Məmmədov da, Fərrux dağı uğrunda gedən döyüşlər zamanı canından keçənlərdəndir.
İsgəndər Məmmədovu oxucularımıza təqdim etmək üçün onun haqqında qısa məlumat vermək istəyirik: Məmmədov İsgəndər İbrahim oğlu 1971-ci il martın 16-da Zaqatala rayonu Qımır kəndində anadan olmuşdur. 1992-ci il sentyabrın 29-da Ağdam rayonuna müharibəyə getmişdir. 1992-ci il oktyabrın 19-da Ağdam rayonu Fərrux dağı uğrunda gedən döyüşlərdə şəhid olmuşdur. Zaqatala rayon Qımır kənd qəbristanlığında dəfn olunub. Qımır kənd tam orta məktəbi şəhid Məmmədov İsgəndər İbrahim oğlunun adını daşıyır.
Şəhidimiz haqqında həyat yoldaşı Əsbət xanımla həmsöhbət olduq: Məmmədov İsgəndər İbrahim oğlu 1971-ci il martın 16-da Zaqatala rayonu Qımır kəndində anadan olmuşdur.
Zaqatala Kənd Təsərrüfatı Texnikumunda baytarlıq ixtisası üzrə təhsil alıb. Həyat yoldaşı kimi qisqanc idi. Kənd təsərrüfatı işlərini sevirdi, bostana və fındıqçılığa meyli vardı. O, çox tərbiyəli adam idi. Mal-qara, at saxlayırdı. Sovet ordu sıralarına əsgərliyə getməzdən əvvəl məni görüb, bəyənmişdi. Bizim atalarımız dost olduğu üçün, onun atası deyib ki, sağ-salamat əsgərlikdən gəl sizə yaxşı bir toy edəcəm. Əsgərlikdən gəldikdən sonra toy etdik. Biz altı ay birlikdə yaşadıq. Əkiz qiz övladlarımız olmuşdu ancaq İsgəndər övladlarını görə bilmədi. Şəhidə və Nişanə 1992-ci il noyabrın 4-də dünyaya gəliblər.
Sonra Qarabağ müharibəsi başlayıb, çağırışla Qarabağa, müharibəyə gedib. 1992-ci il oktyabrın 19-da Ağdam rayonu Fərrux dağı uğrunda gedən şiddətli döyüşlərdə şəhid olmuşdur. Dövlətimiz şəhid ailəsi üçün Muxax kəndində iki otaqlı ev də, tikib.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar birliyinin Üzvü.
58
