Oktyabrın 1-də Gürcüstanda saxlanılan və həbsxanada vəziyyətinin pisləşdiyi iddia edilən sabiq prezident Mixail Saakaşvili paytaxt Tbilisidəki xəstəxanaya köçürülüb.
Diaspor info-əldə etdiyi məlumata görə, Gürcüstanın Xüsusi Həbsxana Xidməti Administrasiyasının əməkdaşları Saakaşvilini Rustavi şəhərindəki həbsxanadan Tbilisidəki “Vivamedi” klinikasına aparıblar.
Yaxınları Saakaşvilinin səhhətinin həbsxanada pisləşdiyini iddia etdikdə, onun müalicə üçün xaricə aparılmasını tələb edirlər.
Saakaşvilinin tərəfdarları da nümayiş keçirərək bu tələblərini dilə gətiriblər.
Gürcüstanın ədliyyə naziri Rati Breqadze bəyan edib ki, Mixail Saakaşvili bilərəkdən müəyyən yeməklər yeməyib və həkimlərin verdiyi dərmanlardan istifadə etməyib.
8 ildən sonra oktyabrın 1-də ölkəsinə qayıdan Saakaşvili qiyabi həbs cəzasına görə həbs edilərək Rustavi şəhərindəki həbsxanaya aparılıb.
2007-ci ildə Gürcüstan Prokurorluğu müxalifətin mitinqini dağıtmaqda, “İmedi” telekanalının təsisçisi Badri Patarkaçişvilinin əmlakını müsadirə etməkdə, korrupsiyada, vəzifə səlahiyyətlərindən sui-istifadədə və deputatı döyməkdə ittiham olunan Saakaşvilinin həbsinə order verib.
Tbilisi şəhər məhkəməsi Mixail Saakaşvilini qətl işində əfv səlahiyyətindən sui-istifadə etməkdə və deputat Valeri Gelaşvilini döyməkdə ittiham edərək qiyabi olaraq 6 il müddətinə azadlıqdan məhrum edib.
