ŞƏHİD BEYBULAT ZAXAROVUN DA, RUHU ŞADDIR-UĞRUNDA ŞƏHİD OLDUĞU FÜZULİDƏ YENİ ŞƏHƏR SALINIR.
Azərbaycan yenicə müstəqilliyini əldə etmişdi ki, xain qonşularımız tərəfindən təcavüzə məruz qaldı. Müstəqilliyi dünya ölkələri tərəfindən yenicə tanınmağa başlamışdı ki, Azərbaycan məcburən döyüş meydanına, müharibəyə dəvət olundu. Silahlı Qüvvələrimiz belə tam formalaşmamış öz havadarları tərəfindən böyük hərbi texnikayla silahlanan ermənilərlə açıq döyüşə girmək ədalətli deyildir. Buna baxmayaraq, Azərbaycanın igid, cəsur oğulları əliyalın da, olsa Qarabağa, döyüşməyə gedirdi. Əsasən sovet ordu sıralarında xidmət edənlər, bir növ təcrübəli olduqlarına görə daha çox döyüşlərə cəlb edilirdilər.
Beybulat Zaxarov da, vətən üçün canından keçən qəhrəmanlarımızdandırlar. Şəhid Beybulat Zaxarov haqqında bildiyimiz bəzi məlumatlarla
oxucularımızı da, tanış etmək istəyirik: Zaxarov Beybulat Ərəb oğlu 1974-cü il iyunun 20-də Zaqatala rayonunun Əliabad qəsəbəsində anadan olmuşdur. Orta təhsilini Əliabad qəsəbəsində 1 sayli orta məktəbdə alıb.
1992 –ci ildə müddətli həqiqi hərbi xidmətə çağırılıb. Onun döyüş yolu Füzuli rayonundan başlayır. 1994 –cü ildə Füzuli rayonu uğrunda gedən döyüşlərdə həlak olmuşdur. Zaqatala rayonunun Əliabad kəndində dəfn olunub.
Zaxarov Beybulat haqqında ətraflı məlumat almaq üçün Zaqatala rayon Əliabad kəndinə yollandıq, şəhidin qardaşı Hacıbəylə söhbətləşdik: biz ailədə bir bacı, doqquz qardaş olmuşuq. Beybulat evin sonbeşiyi idi. Sakit təbiətli bir oğlan olub. Onun haqqında nə bilirəmsə danışmağa hazıram.
Zaxarov Beybulat Ərəb oğlu 1974-cü il iyun ayının 20-də Zaqatala rayonunun Əliabad qəsəbəsində anadan olmuşdur. Əliabad qəsəbəsində 1 saylı səkkizillik məktəbində təhsil almışdır. 1992-ci ildə həqiqi hərbi xidmətə çağırılıb, Sumqayıt şəhərində Nasosnuda xidmət edib. Xalq cəbhəsi dövründə nizamlı ordu olmadığına görə evə gəlmişdi. 1 il sonra 1993-cü ildə Qarabağa müharibəyə getmək üçün hərbi komissarlığa getdi. Bakı şəhərinə
Biləcəriyə də, getdi, onu qəbul etmirdilər, deyirdilər ki, sən fərari deyilsən, adın da heç yerdə yoxdu biz səni necə aparaq? Qardaşım əl çəkmədi, dedi ki, mən müharibəyə getməliyəm. Atam deyirdi ki, getmə ölərsən sən artiq bir il hərbi xidmətdə olmusan. O, deyirdi ki, ölsəm başınızı uca edərəm və mən hökmən gedəcəm. Qardaşım sonunda istədiyinə çatdı, müharibəyə getdi, Füzulidə gedən şiddətli döyüşlərdə şəhid olub. Qardaşım deyirdi ki, mən şəhid olaram ancaq heç vaxt qaçmaram. Mən bir halda, yəni ancaq müharibə bitdikdən sonra evimə gedəcəm, vəssalam!
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar birliyinin üzvü.