ŞƏHİD ƏFQAN RƏCƏBOVUN UĞRUNDA ŞƏHİD OLDUĞU TORPAQLARDA YENİ RAYONLAR SALINIR.
Birinci Qarabağ savaşı xəbərsiz başladı, xain qonşularımızın torpaq iddiasıyla Qarabağ torpaqlarına hücum etməsi və orada yaşayan soydaşlarımızın qətliamı ilə başladı. Həmin dövrdə xalqımızın igid, qorxmaz oğulları əliyalın da, olsa vətənin müdafiəsinə qlxdılar. Əfqan Rəcəbov da, vətən üçün canından keçən qeyrətli oğullarımızdandır. Şəhid Əfqan Rəcəbov haqqında bildiyimiz bəzi məlumatları oxucularımıza da, təqdim etmək istəyirik:
Rəcəbov Əfqan Hacıməhəmməd oğlu 1975-ci il noyabrın 5-də Zaqatala rayonunun Aşağı Tala kəndində anadan olub. 1982-92 ci illər Aşağı Tala kənd 3 saylı orta məktəbində təhsil alıb. Daha sonra kənddəki 172 Saylı texniki-peşə məktəbində aşpazlıq ixtisasına yiyələnib. 1994-cü ildə müddətli həqiqi hərbi xidmətə çağırılıb. Ağdam, Tərtər bölgəsində döyüş əməliyyatlarında iştirak edib. 1994-cü il aprelin 24-də Ağdərə rayonu uğrunda gedən ağır döyüşlərdə həlak olmuşdur. Nəşi düşmən nəzarətindəki ərazidə qaldığına görə itgin sayılır.
Şəhid Əfqan Rəcəbov haqqında daha ətraflı məlumat toplamaq üçün Aşağı Tala kəndinə yollandıq. Şəhidimizin qardaşı Kamranla Əfqan haqqında xeyli söhbətləşdik: biz ailədə iki bacı, iki qardaş olmuşuq. Əfqan məndən balaca idi. Qardaşımla kolxozda kənd təsərrüfatı işlərində çalışaraq, ata-anamıza komək edərdik. Qardaşım həmişə ailəmizə maddi kömək edərdi. Əfqan subay idi.
O, ki, qaldı onun haqqında ümumi məlumata:- Rəcəbov Kamran Hacıməhəmməd oğlu 1975-ci il noyabrın 5-də Aşağı Tala kəndində anadan olmuşdur. Aşağı Tala kənd 3 saylı orta məktəbin 10-cu sinifini bitirib, Peşə məktəbində aşpaz ixtisası üzrə oxuyub. Yaxşı aşpaz olub, restoranlarda işləyib.
Vətənpərvər, ailəcanlı idi. Heç kimin qəlbini qırmazdı. O, əvvəlcə Nasosnuda hərbi xidmətdə olub, sonra 1994-cü ilin yanvarında döyüş bölgəsinə gedib. 1994-cü il aprelin 24-də şəhid olub. Nəşi neytral zonada qaldığı üçün gətirmək mümkün olmayıb itgin kimi qəbul edirik.
Atam və anam övlad həsrəti ilə dünyalarını dəyişdilər.
İkinci Qarabağ savaşı, “Vətən Müharibəsi” başlayan kimi cəmi 44 gün ərzində erməni əsgəri ağ bayraq qaldırmalı oldu. Azərbaycan əsgəri Birinci Qarabağ savaşında şəhid olmuş bütün soydaşlarımızın qisasını aldı. Bu gün bütün şəhidlərimizin ruhu şaddır, çünki artıq torpaqlarımıza erməni ayağı dəymir, uğrunda şəhid olduqları torpaqlarda rayon və şəhərlər salınır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.
273