ŞƏHİD ABDULHƏMİD MEHDİYEVİN RUHU ŞADDIR ÇÜNKİ UĞRUNDA ÖLDÜYÜ TORPAQLARDA AZƏRBAYCAN ƏSGƏRİ DAYANIB.
İkinci Qarabağ savaşı cəmi 44 gün çəksə də, Şanlı Azərbaycan əsgəri döyüş meydanında erməni əsgərinə öz hərbi gücünü göstərdi. Və döyüş zamanı erməni əsgəri dizlərini yerə ataraq, ağ bayraq qaldırmağa məcbur oldular.
Bu 44 gün ərzində Birinci Qarabağ savaşındakı şəhidlərimizin də, qisası alındı.
Birinci Qarabağ savaşında vətəninə canını fəda edənlər arasında Abdulhəmid Mehdiyev də, vardır. Şəhidimiz haqqında oxucularımıza qısa məlumat vermək istəyirik: Mehdiyev Abdulhəmid Yusif oğlu 08.07.1971-ci ildə Zaqatala rayonu Danacı kəndində anadan olub. Danacı kənd 1-saylı orta məktəbin 10-cu sinifini bitirib. Traktorçu ixtisasına yiyələnmək üçün Peşə məktəbini də, bitirib. Ailədə 11 uşaq olublar 8 qardaş 5 bacı. Abdulhəmid ortancıl olub.
Abdulhəmid şən, həddindən artıq zarafatcıl, ailədə hamını güldürən, komik olub. Çox tərbiyəli olub, heç kimin xətrinə dəyməyib, anası Hürü tez dünyasını dəyişib və bu gün onu dogma övladı kimi xətrini əziz saxlayan Fatimat kimi analığı vardır.
Mehdiyev Abdulhəmid 1989-cu ildə həqiqi hərbi xidmətə çağırılıb. Sovet ordusunda xidmətdə olub. Əvvəlcə Almaniyada sonra isə Sankt-Peterpurqda hərbi xidmətdə olub. 1991-ci ildə hərbi xidmətini başa vuraraq, geriyə Vətənə gəlib. Təsərrüfat işlərində valideynlərinə kömək edib. Sonra 1992-ci ildə könüllü olaraq, vətənin müdafiəsinə qalxıb və birbaşa cəbhəyə, Qarabağa gedib.
Atıcı olan Abdulhəmidin son döyüşü Laçın rayonu uğrunda gedən döyüşlərdə olub. Belə ki, 19.09.1992-ci ildə Lacın rayonu uğrunda gedən döyüşlərdə qəhrəmancasına şəhid olub.
Danacı kənd qəbirstanlığında dəfn olunub.
Allah Bütün Şəhidlərimizə Rəhmət Eləsin!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü