Azərbaycan Dövlət Akademik FilarmoniyasıMədəniyyətimizi Deyil, Əxlaqsızlığı Təbliğ Edir?!
Dövrü mətbuatımızdan Azərbaycanın mədəniyyət ocağı, mən deyərdim ziyarətkah kimi bir tarixi abidəsi olan “Dövlət Akademik Filarmoniyasında” baş verənləri izlədim və bir ziyalı kimi buna susabilməzdim. Azərbaycan Respublikasının Mədəniyyət naziri Anar Kərimovun yayılan əxlaqsız videolara münasibətini də, oxudum. Azərbaycan Dövlət Akademik Filarmoniyasının direktoru Murad Adıgözəlzadənin bu mədəniyyət ocağını öz şəxsi obyekti kimi işlətməsi göz qabağındadır. Hadisələrə kənardan nəzər salarkən çox nüanslar ortaya çıxır.
Mədəniyyət nazirimiz Anar Kərimovun hadisəyə çox yumşaq münasibət göstərməsi onu deməyə əsas verir ki, icarəyə verilmiş Dövlət Akademik Filarmoniyasının ərazisindən onun nəinki xəbəri var, bəlkə də, bu işdə xeyiri də vardır. Əks təqdirdə Murad Adıgözəlzadəyə nədən cəza tədbiri görülmür? Axı Cənab Prezident İlham Əliyev öz çıxışlarında dəfələrlə vurğulayıb ki,
Azərbaycanda toxunulmaz adam yoxdur və qanun hamı üçün birdir. Videoya diqqətlə baxanda yarımçılpaq vəziyyətdə intim rəqsləri edən bu qadınlar düşünmürlər ki, Azərbaycan Dövlət Akademik Filarmoniyası Müslüm Maqamayevin adını daşıyır. Bəlkə heç bu haqda onların məlumatları da, yoxdur. Bəs Cənab Prezidentimiz tərəfindən bütün təltiflərlə mükafatlandırılan Murad Adıgözəlzadə hara baxır?
Prezident aparatının qarşısında belə əxlaqsızlıq hərəkətləri üçün şərait yaradan zaman Prezidentimizin bu işdən xəbər tutmasından qorxmur?
İctimaiyyətə məhəl qoymayanların taleyi heç də, yaxşı qurtarmır, bunu tarixə nəzər salarkən aydın görmək olur.
Mədəniyyət naziri Anar Kərimov, bəs siz də düşünmürsünüz ki, isti havalardır, təsadüfən Cənab Prezident və onun xanımı Birinci Vitse-Prezidentimiz, Ölkənin birinci xanımı Mehriban Əliyeva Prezident aparatına gələ bilər? Onlar bu intim videolarını görsələr necə olardı?
Görünür həm Mədəniyyət naziri Anar Kərimov, həm də, Filarmoniyanın direktoru Murad Adıgözəlzadənin qorxacaq yerləri yoxdur. Onlar heç kimdən qorxmadıqlarını bu videoya münasibətlərində də, göstəriblər.
Hörmətli Mədəniyyət nazirimiz Anar Kərimov və Dövlət Akademik Filarmoniyanın direktoru Murad Adıgözəlzadə, başqa sivil dövlətlərdə sizin vəzifənizi tutan rəhbərlər belə biabırçılığı görən kimi dərhal öz vəzifələrindən istefa verirlər. Ən azından özlərinə və xalqa hörmət əlaməti olaraq, bu addımı atırlar. Əgər siz bu addımı atmağı bacarmırsınızsa, onda Azərbaycanın Mədəniyyət ocağına hörmət etmək məcburiyyətindəsiniz. Azərbaycan Respublikasının Prezidentinə və onun inzibati binasına hörmətlə yanaşmalısınız. Siz filarmoniyada yarımçılpaq qızların rəqslərinə şərait yaradarkən düşünmədiniz ki, xarici vətəndaşlar bunu görüb nə düşünərlər? Bəs onlar deməzlər ki, Prezident aparatı qarşısında Gecə klubunu kim açıb və bu insan heç kimdən qorxmursa, onda bu ölkədə hansı qanunlardan danışmaq olar?
Prezident aparatının arxasında yaşadığım üçün həmin yerdən mən də, tez-tez keçirəm, həm də, havalar isti keçdiyinə görə çox vaxt gecə saatlarında filarmoniyanın yanından keçirəm. Sizə kim icazə verir ki, bizim öz məhəlləmizdə ailəmizlə gəzməyimizə maneçilik törədəsiniz? Hesab edirəm ki, heç bir qeyrətli kişi istəməz ki, o ailəsilə keçdiyi yerdə yarımçılpaq qızlar intim rəqsləri etsin və içkili kişilər də, onlarla rəqs etsinlər. Sonunda onu da, xüsusi vurğulamaq istəyirəm ki, Mədəniyyət naziri Anar Kərimov Filarmoniyanın direktoru Murad Adıgözəlzadə haqqında heç bir tədbir görmürsə və ən azından bunu görüntü üçün etmirsə, (intim rəqsləri Prezident aparatının qarşısında etdiyinə görə)
Onda tezliklə dünyanın porno ulduzu kardaşyanı da, burada rəqs edən görə bilərik.
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.
342
