“Bu günlərdə Azərbaycanda ən çox müzakirə edilən məsələrdən biri Naxçıvana gediş-gəliş məsələsidir”. Diaspor info-ya verdiyi məlumata görə, bu sözləri Parlamentin bu gün keçirilən ilk növbədənkənar iclasında deputat Fazil Mustafa deyib.
Onun sözlərinə görə, gediş haqları qaldırılıb: “Elə ailələr var ki, illərdir Bakıya gələ bilmir. Digər bir problem isə təyyarə biletlərinin yoxluğudur. Biletlərin çoxu turizm şirkətlərinə satılır, yerli əhali buna görə problem yaşayır. İkincisi, Türkiyəyə olan qiymətlər çox bahadır. Buna görə də tələbələr İğdırdan Naxçıvana gəlməklə ölkəyə qayıtmaq istəyir. Yəni bilet qiymətlərinin artması bütövlükdə Azərbaycan əhalisi üçün problemə çevrilir. Bu məsələ üzərində hökumət çox ciddi düşünməli, problem həllini tapmalıdır”
Müəllif: Arzu Qurbanzadə
