ZAQATALA İCTİMAİYYƏTİ ÜMUMMİLLİ LİDERİN ANIM GÜNÜNÜ BÖYÜK İZDİHAMLA QEYD ETDİ.
12 dekabr Azərbaycan xalqının Ümummilli Lideri Heydər Əliyevin dünyasını dəyişdiyi gündür. Bu gün respublikanın hər yerində olduğu kimi Zaqatala rayonunda da Ulu öndəri yad etmək üçün rayon rəhbərliyi, ziyalıları başda olmaqla bütün ictimaiyyəti Zaqatala şəhərindəki Heydər Əliyev adına parka toplaşıblar. Bu parkda Ümummilli liderimizin möhtəşəm abidəsi önünə tər çiçəklər düzməklə onu bir daha yad etdilər. Zaqatala RİH başçısı Mübariz Əhmədzadə başda olmaqla, hüquq-mühafizə orqanlarının rəhbərləri, idarə-müəssisə və təşkilat rəhbərlərinin də qatıldığı tədbir, Zaqatala rayon Heydər Əliyev mərkəzində “Elmi praktiki konfrasla” davam etdirildi.
Əvvəlcə Azərbaycan Respublikasının Dövlət himni səsləndirildi, daha sonra Ulu öndər və şəhidlərimiz bir dəqiqəlik sükutla yad edildi. Sonra Ümummilli liderimiz Heydər Əliyevin həyatından bəhs edən filmin nümayişi oldu. Daha sonra çıxışlar başlandı. “Tarix yazan əbədiyaşar lider” mövzusuyla ilk çıxışı Zaqatala RİH başçısının birinci müavini Tofiq Əhmədov etdi. Növbəti çıxış Zaqatala rayon hərbi prokuroru Elşən Əliməmmədov etdi. Bundan sonra YAP Zaqatala rayon təşkilatının sədri Habil Qurbanov, Zaqatala Heydər Əliyev Mərkəzinin direktoru Famil Rəhimov və YAP Zaqatala rayon təşkilatının veteranı, Rayon Ağsaqqallar şurasının sədr müavini Tahir Məmmədov çıxış etdilər.
Çıxış edən natiqlərin hər biri Ümummulli liderimizin Azərbaycan xalqı, dövlət və dövlətçiliyimiz yolundakı misilsiz xidmətlərindən geniş danışıldı. Müasir Azərbaycan dövlətinin banisi, xilaskarı və qurucusunun məhz Heydər Əliyev olduğu xüsusi vurğulandı.
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.
318
