Naxçıvan Dövlət Universitetinin Beynəlxalq münasibətlər kafedrasının baş müəllimi, tarix üzrə fəlsəfə doktoru, gənc tədqiqatçı Arzu Abdullayevin “Naxçıvan şəhərində hərbi-siyasi proseslər (XVIII əsrin sonu - XIX əsrin əvvəlləri)” məqaləsi beynəlxalq xülasələndirmə və indeksləmə bazalarına daxil olan Meksikanın “Revista Dilemas Contemporaneos: Educacion, Politica y Valores" jurnalında dərc olunub. Məqalə jurnalın 2023-cü ildə nəşr olunmuş ilk sayında işıq üzü görüb.
NDU-nun Televiziya, mətbuat və ictimaiyyətlə əlaqələr bölməsindən Diaspor info-ya verilən məlumata görə, ingilis dilində dərc olunan məqalədə XVIII əsrin sonu XIX əsrdə Naxçıvan şəhərində siyasi vəziyyət, müharibələrin baş vermə səbəbləri, onların nəticələri araşdırılıb. Məqalədə o dövrə aid mənbələrə, eləcə də arxiv sənədlərə geniş yer verən tədqiqatçı Naxçıvan şəhərinin hərbi-siyasi proseslərin əsas mərkəzi olduğu qənaətinə gələrək xarici dövlətlərin bu əraziyə olan maraqlarını da tədqiq edib.
Məmmədbağır Dünyamalıyev
