ZAQATALA HEYDƏR ƏLİYEV MƏRKƏZİNDƏ ULU ÖNDƏR HEYDƏR ƏLİYEVİN 100 İLLİYİNƏ HƏSR OLUNMUŞ KONFRANS KEÇİRİLİB
YAP Zaqatala rayon təşkilatının təşkil etdiyi "Heydər Əliyevin 100 illiyinə həsr edilmiş konfrans " öz işinə başlamazdan əvvəl Ümummilli liderin mərkəzin qarşısında ucaldılmış abidəsi ziyarət edildi.
Tədbirin fəxri qonaqları YAP mərkəzi aparatı idarə heyətinin üzvü Bayram Aslanov, Dini Qurumlarla iş üzrə Dövlət komitəsi tabeliyində Mənəvi Dəyərlərin Təbliği Fondunun icraçı direktoru Mehman İsmayılov, Milli Məclisin deputatı Kamilə Əliyeva və Zaqatala RİH başçısı Mübariz Əhmədzadə başda olmaqla bütün hüquq mühafizə orqanları və digər təşkilatların rəhbərləri, o cümlədən rayon ziyalıları da iştirak edirdi.Əvvəlcə tədbirdə Dövlət himni səsləndirilib. Daha sonra Ümummilli lider Heydər Əliyevin, Şəhidlərimizin və Türkiyədə zəlzələdən sonra dünyasını dəyişənlərin ruhunu bir dəqiqəlik sükutla yad edildi.
İlk çıxışı YAP Zaqatala rayon təşkilatının sədri Habil Qurbanov edərək yenicə müstəqillik əldə etdikdən sonra dövlətçiliyimizin, müstəqilliyimizin əldən getdiyi bir məqamda 91 nəfər ziyalı Naxçıvana üz tutduğunu bildirdi: Ulu öndər Heydər Əliyevin rəhbərliyi ilə Naxçıvanda yeni bir partiya yaradıldı, bu Yeni Azərbaycan Partiyası idi. Bununlada Heydər Əliyev özünün də dediyi kimi ömrünün qalan hissəsini də xalqına bağışladı. Vətəndaş müharibəsinin qarşısı alındı. Bu günkü müasir Azərbaycan dövlətinin təməlini məhz Heydər Əliyev qoydu. Bu günkü Azərbaycan Heydər Əliyevin şah əsəridir.
Biz xoşbəxtik ki, Heydər Əliyevin siyasi varisi İlham Əliyevin rəhbərliyi ilə Qarabağda ərazi bütövlüyümüzü bərpa etdik. Xalq dövlət və Prezident ətrafında sıx birləşib.
Daha sonra tədbirdə Zaqatala RİH başçısı Mübariz Əhmədzadə çıxış edərək Heydər Əliyevin dünya şöhrətli bir siyasətçi olduğunu və Azərbaycan üçün misilsiz xidmətləri olduğunu xüsusi vurğuladı.
Bundan sonra YAP mərkəzi aparatı idarə heyətinin üzvü Bayram Aslanov danışdı.Bayram Aslanov da Heydər Əliyev haqqında ətraflı danışaraq onun nə qədər böyük bir siyasətçi olduğunu və Azərbaycan xalqı və dövləti üçün misilsiz xidmətləri olduğunu xüsusi vurğuladı. Heydər Əliyev irsi bundan sonra hələ yüz illərlə öyrəniləcəkdir.Tədbirdə Millət vəkili Kamilə Əliyeva, Mehman İsmayılov, Xalq qəzetinin bölgə müxbiri İlqar Həsənov, Partiya ağsaqqallarından olan Tahir Məmmədov, Şəhid bacısı Mehparə Mirzəyeva, Vətən müharibəsi qazisi Nurlan Mazanov çıxış edərək Heydər Əliyev haqqında öz fikirlərini bildirdilər.
Tədbirin sonunda YAP sıralarına yeni üzv qəbul edilmiş partiya üzvlərinə vəsiqələr təqdim edildi. Və partiya fəallarına Fəxri fərmanların təqdim edilməsi ilə tədbir öz işini yekunlaşdırdı.
Əlmaniz Ələkbərli
Azərbaycan Yazıçılar və Jurnalistlər Birliyinin üzvü.
688