“Azərbaycan ilə Avropa İttifaqı arasında əlaqələr dinamik inkişaf edir”.
Diaspor.info xəbər verir ki, bunu Avropa İttifaqının (Aİ) Azərbaycandakı nümayəndəliyinin rəhbəri, səfir Peter Mixalko Ümumdünya Mətbuat Azadlığı Günü münasibətilə jurnalistlərlə görüşündə deyib.
Onun sözlərinə görə, Aİ plüralizmi və mətbuat azadlığını dəstəkləyir.
P.Mixalko əlavə edib ki, media və jurnalistikanın inkişafı Azərbaycan və Aİ arasında əməkdaşlıq sahələrindən biridir.
Xatırladaq ki, Ümumdünya Mətbuat Azadlığı Günü 1993-cü ilin dekabrında BMT Baş Assambleyası tərəfindən elan edilib. O vaxtdan bəri hər il mayın 3-də, Vindhuk Bəyannaməsinin qəbul edilməsinin ildönümündə dünyada bu günə həsr olunan tədbirlər keçirilir.
212
