Zaqatala rayon Heydər Əliyev mərkəzində "Ulu Öndər Heydər Əliyevin İrsi Milli Sərvətimizdir " adlı tədbir keçirilib.
Zaqatala rayon icra hakimiyyətinin başçısı Mübariz Əhmədzadə başda olmaqla bütün hüquq mühafizə orqanlarının və digər təşkilatların rəhbərlərinin də iştirakı ilə keçirilən tədbirin rəsmi hissəsi Dövlət himninin səsləndirilməsi ilə başladı.
Daha sonra məruzə ilə çıxış edən Zaqatala RİH başçısı Mübariz Əhmədzadə Heydər Əliyevin Azərbaycana birinci dəfə rəhbərliyi dövründən danışaraq, qeyd etdi ki, onun rəhbərliyi ilə Azərbaycan on beş respublika içərisində günü gündən inkişaf edərək birincilər sırasına yüksəlmişdir.
Daha sonra Müstəqil Azərbaycan respublikasına rəhbərlik etdiyi dövrdə isə Azərbaycanı dünyanın inkişaf etmiş ölkələrinin sırasına qaldıra bilmişdir.
Heydər Əliyevin bütün sahələrə xüsusi diqqət ayırmasından, təhsil, mədəniyyət və s.sahələrə həssaslıqla yanaşmasından da danışan Mübariz müəllim Ulu öndərin sayəsində Azərbaycan dilinin dövlət dilimiz kimi Azərbaycan SSR-nin konstitusiyasına qəbul edilməsini də xüsusi vurğuladı.
Tədbirin rəsmi hissəsi bitdikdən sonra Zaqatala Heydər Əliyev parkında İncəsənət Ustalarının iştirakı ilə möhtəşəm konsert proqramı və yekunda atəşfəşanlığın da olacağı gözlənilir.
Əlmaniz Ələkbərli
Baş Redaktor.
669
