BMT-nin mənzil-qərargahı önündə Nyu-Yorkda yaşayan həmvətənlərimiz tərəfindən erməni yalanlarına qarşı təşkil olunan etiraz aksiyası yekunlaşıb.
Diaspor info-nun məlumatına görə, Ermənistanın Azərbaycanın Laçın yolunu bağlamaqla humanitar böhran yaratdığına dair iddialarına etiraz məqsədilə baş tutan aksiyada həmvətənlərimiz beynəlxalq təşkilatdan ədalət tələb ediblər.
Əllərində Azərbaycan bayraqları və plakatla əraziyə gələn aksiya iştirakçıları BMT Təhlükəsizlik Şurasına məsələyə ədalətlə yanaşmağa çağırış ediblər.
Həmvətənlərimiz ərazidən keçən diplomatları Ermənistanın işğalçılıq siyasəti və yalanları barədə məlumatlandırıblar.
Aksiyanın keçirildiyi əraziyə gələn bir qrup erməni dinc aksiyanı pozaraq həmvətənlərimizə qarşı təxribat törədiblər. Onlar əllərində plakatlar və qondarma ölkənin bayraqları ilə azərbaycanlılara hücum çəkib, yoldan keçən maşınların qarşısını əllərindəki plakatlarla kəsiblər. Azərbaycan bayraqlarını cırmaq istəyən ermənilər həmvətənlərimizin qəzəbinə tuş gəlib. Ərazidə qarşıdurma yaşanıb.Nümayişin keçirildiyi əraziyə Nyu-York polis departamentinin əməkdaşları gəlib. Həmvətənlərimizə təzyiq göstərən ermənilər polisə yalan məlumatlar verərək özlərini müdafiə etməyə çalışıblar. Polis insidentə dair foto və video görüntüləri izləyib.Polis həmvətənlərimizə hücum edən Cobanyan Sulyanı hadisə yerində həbs edib. Təxribat törədən və özünü BMT-nin əməkdaşı kimi təqdim edən digər erməni vətəndaşı sorğu üçün polis bölməsinə aparılıb.Həmvətənlərimiz Alidə Zeynalova və Amerika-Azərbaycan Qadınlar Cəmiyyətinin rəhbəri Münəvvər Vahabova hadisə ilə bağlı dindirilmək üçün polis bölməsinə aparılıb. Həmvətənlərimizin sorğusu davam edir.
