"Müstəqil Azərbaycan Cümhuriyyəti qısa ömründə böyük nailiyyətlər əldə edib" RƏY-ÖZƏL
"Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimaiyyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib". Bu fikirləri DİASPOR.İNFO-ya açıqlamasında BİRLƏŞMİŞ UKRAYNA AZƏRBAYCANLILARI KONQRESİNİN NİKALAYEV VİLAYƏTİ ÜZRƏ SƏDRİ YUNUS ALIYEV deyib.
O bildirib ki, Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub: "Azərbaycanın ilk üçrəngli bayrağı da 1918-ci il 9 noyabr tarixində yəni Cümhuriyyət dövründə qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi. Lakin qısa ömür sürən demokratik respublikanın bayrağı 1991-ci ildə müstəqillik qazandıqdan sonra Ulu Öndər Heydər Əliyevin təşəbbüsü ilə Naxçıvanda qaldırılıb".
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildiyini deyən E.Səlimov söyləyib ki, müstəqilliyi qoruyub saxlamaq onu əldə etməkdən daha çətindir: "Azərbaycan Xalq Cümhuriyyəti təcavüzə məruz qaldığı üçün qarşıya qoyduğu məqsədlərə tam müvəffəq ola bilmədən süquta uğrasa da, onun şüurlarda bərqərar etdiyi müstəqillik ideyası unudulmadı. Azərbaycan xalqı ötən dövr ərzində milli dövlətçilik atributlarının bir çoxunu qoruyub saxlaya bildi. Ümummilli lider Heydər Əliyevin respublikada uğurla gerçəkləşdirdiyi siyasət xalqımızın tarixi-mədəni yaddaşını özünə qaytararaq milli mənlik şüurunu inkişaf etdirdi, azərbaycançılıq məfkurəsi işığında müstəqillik arzularının güclənməsi və yaxın gələcəkdə yenidən həqiqətə çevrilməsinə zəmin yaratdı".
YUNUS ALIYEV qeyd edib ki, AXC-nin varisi olan müasir Azərbaycan bu gün Prezident İlham Əliyev tərəfindən həyata keçirilən uğurlu siyasət nəticəsində daha da inkişaf edir, dünyadakı mövqeyini möhkəmləndirir: "Bu gün Azərbaycanın inkişafı beynəlxalq səviyyədə yüksək şəkildə qiymətləndirilir, ölkəmizlə hesablaşılır".
DİASPOR.İNFO
KİYEV BÜROSU.
