Azad deyə-deyə
(Şəhid oğlum Azada)
Mən anayam,ahu-zarı,Çəkdim,Azad deyə-deyə,
Gözlərimdən qanlı yaşım,
Axdı Azad deyə-deyə.
Ellər ağlar göz yaşıma,
Nələr gəldi gör başıma,
Dərd əlindən dağ başına,
Baxdım,Azad deyə-deyə.
Azad gəzir dildən-dilə,
Şeyda bülbül güldən-gülə,
Çaya dönüb eldən-elə,
Axdım,Azad deyə-deyə.
Züleyxayam,düşdüm dilə,
Göz yaşlarım döndü selə,
Bülbül kimi qalxıb zilə,
Ötdüm,Azad deyə-deyə.
876
