AZƏRBAYCANIN CƏSUR TANK KOMANDİRİ BALAKƏNDƏ DƏFN EDİLİB.
Bu gün Balakən rayonu şəhidlər xiyabanında oldum.
Şəhidlər xiyabanında gəzdikcə gözüm bir neçə şəhidlərin qəbirlərinə sataşdı.
Balakən rayonu Gərəkli kədindən olan Gizir, Vüsal Şəmsəddin oğlu Omarov.
Onun böyük qardaşı Omar MDB də tanınmış tankçılardandır.
Qəhrəman tank komandirinin ailəsinə baş çəkmədən ötrü üz tutdum Gərəkli kəndinə.
Anası Aşayas və həyat yoldaşı Sənani xanımla görüşdüm. Az vaxt keçmişdi Şəhidimizin atası Şəmsəddin dayı da, evə təşrif buyurdu.
Şəhidin anası deyir ki, Vüsal ABU nu bitirib. Bir müddət öz ixtisası üzrə iş tapa bilmədi. Bir çox sahədə özünü sınadı. Lakin görünür Omarın tank komandiri kimi adlı-sanlı olması balaca qardaşda da, hərbiyə, xüsusən də tanka həvəs yarada bilib.
Aşayas ana deyir ki, oğlum tez-tez deyirdi ki, mənim üç arzum var.
Maşın alım, Moskvanı görüm və Şəhid olum.
Maşın da aldı, tankçıların yarışmasına qatılmaq üçün Rusiyaya getdi, moskvanı gördü və sonda da, Şəhid oldu.
Həyat yoldaşı Sənani xanım deyir ki, hərbidə seçildiyi üçün xeyli təltifləri var, medalını və diplomlarını bizə də göstərdi.
Vüsalın iki gözəl qız övladı böyüyür.
Şəmsəddin dayı isə Vətən sağolsun kəlməsiylə bizə qoşuldu.
Deyir bir ata kimi oğlanlarımla fəxr edirəm, qürur duyuram.
Hər ikisini də Vətənin müdafiəçisi kimi böyütmüşəm.
ŞƏHİD haqqında rayonda xüsusi bir söhbətlər gəzir, Vüsal adi tank sürən olmayıb.
Onun qəhrəmanlığı balakənlilərin yaddaşına ömürlük həkk olunub.
https://youtu.be/8fbNr5MLcZs
ƏLMANİZ ƏLƏKBƏRLİ
Azərbaycan jurnalistlər və
yazıçılar birliyinin üzvü