Yanvarın 24-də Özbəkistanın paytaxtı Daşkənd şəhərində İqtisadi Əməkdaşlıq Təşkilatına (İƏT) üzv dövlətlərin Nazirlər Şurasının 26-cı iclası keçiriləcək.
Diaspor info xəbər verir ki, iclasda təşkilata üzv ölkələrin xarici işlər nazirləri, eləcə də İƏT-in Baş Katibi Xusrav Noziri iştirak edəcəkdir.
Qeyd edək ki, 2023-cü ildən İqtisadi Əməkdaşlıq Təşkilatına sədrlik Azərbaycana keçir.
Azərbaycanın 2023-cü ildə İqtisadi Əməkdaşlıq Təşkilatına sədrliyi çərçivəsində təşkilatın Daimi Nümayəndələr Şurasının bu il üzrə ilk iclası 11 yanvar 2023-cü ildə Tehranda keçirilib.
208
