Qubada “Konstitusiya və Suverenlik İli” çərçivəsində növbəti maarifləndirmə tədbir keçirilib
Azərbaycan Respublikasının İnsan Hüquqları üzrə Müvəkkilinin (Ombudsmanın) Şimal Regional Mərkəzinin, Dini Qurumlarla İş üzrə Dövlət Komitəsinin Quba-Xaçmaz regional bölməsinin və Quba Rayon İcra Hakimiyyətinin birgə təşkilatçılığı ilə “Konstitusiya və Suverenlik İli” çərçivəsində “Korrupsiya və onun hüquqi nəticələri: qanunvericilikdəki əsas prinsiplər” mövzusunda dəyirmi masa keçirilib.
Ombudsmanın Şimal Regional Mərkəzinin rəhbəri Bəhruz Əfəndiyev tədbirdə çıxış edərək, ölkəmizdə insan hüquqlarının təşviqi, müdafiəsi və təmini vəziyyətinin monitorinqi, habelə korrupsiyaya qarşı mübarizə sahəsində həyata keçirilən islahatlar, “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” çərçivəsində görülən işlər, Ombudsman tərəfindən bu istiqamətdə həyata keçirilən fəaliyyət barədə ətraflı məlumat verib.
Tədbirdə mövzu üzrə müzakirələr aparılıb, iştirakçıları maraqlandıran suallar ətraflı cavablandırılıb.
