Avropa İttifaqı (Aİ) 155 mm-lik döyüş sursatlarının istehsalı üçün Ukraynaya 500 milyon avro ayıra bilər.
Diaspor.info xəbər verir ki, bu barədə “RBC-Ukraina” maliyyə xidmətləri, maliyyə sabitliyi və kapital bazarları üzrə Avropa komissarı Meyrid Makqinnesin bəyanatına istinadən xəbər verir.
"Aİ-nin 155 mm-lik sursat sənayesinin potensialı əhəmiyyətli olaraq qalır və istifadə edilməlidir", - bəyanatda deyilir.
Qeyd olunur ki, hazırda bütün variantlar nəzərdən keçirilir, o cümlədən, zərurət yaranarsa, Aİ büdcəsinin istifadəsinə də baxılır.
"Xüsusən, biz bu yaxınlarda ümumi satınalmalar yolu ilə Avropa müdafiə sənayesini gücləndirmək üçün aktı müzakirəyə təqdim etdik. Ona görə, qısa müddətdə 500 milyon avro lazımi mərmilərin istehsalını sürətləndirmək üçün istifadə oluna bilər", - Makqinnes izah edib.
Avropa Komissiyası həmçinin sursat istehsalını artırmaq üçün özəl şirkətlərdən vəsait cəlb etmək üçün tədbirlər görməyə hazırdır.
