ABŞ-da Senatdakı Respublikaçılar Partiyası Ukraynanın müdafiə ehtiyacları üçün maliyyə paketini dəstəkləməyə hazırdır, lakin yalnız demokratlar ABŞ-ın Meksika ilə cənub sərhədini qeyri-qanuni mühacirlərdən qorumaq tədbirləri ilə razılaşdıqdan sonra.
Diaspor info xəbər verir ki, bu barədə respublikaçı senator Cim Riş bəyan edib.
Senator respublikaçıların Ukraynaya maliyyə yardımı paketini dəstəkləməkdən imtina etməsini ABŞ-ın cənub sərhədindən qeyri-qanuni miqrasiyanın dayandırılmasının zəruriliyini sübut etmək istəyi ilə izah edib.
“Bu, qəbul etməli olduğumuz milli təhlükəsizlik paketi ilə bağlı ciddi partiya xətti səsverməsi idi. Biz bunu qəbul edəcəyik. Qarşı tərəfdəki həmkarlarımızı çox ciddi olduğumuza inandırmalı idik. Biz respublikaçılar cənub sərhədimizin bağlanmasına çox ciddi yanaşırıq. Bizdə gündə 10 minə yaxın qeyri-qanuni immiqrant ABŞ-a keçir və biz ilk növbədə sərhədimizi qorumalıyıq”.
