Şimali Koreya bu həftə yeni zenit raketini və super böyük qanadlı raket döyüş başlığını sınaqdan keçirib.
Diaspor info xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.
Qeyd olunub ki, sınaq fevralın 2-də KXDR-in Raket Elmi üzrə Baş İdarəsi tərəfindən keçirilib və müxtəlif yeni silahların texnologiyalarını inkişaf etdirməyə yönəlib. KCNA vurğulayıb ki, sınaqlar raket elmləri şöbəsinin müntəzəm fəaliyyəti çərçivəsində həyata keçirilib və regiondakı vəziyyətlə heç bir əlaqəsi yoxdur. “Bu sınaqlar qonşu ölkələrin təhlükəsizliyinə heç bir mənfi təsir göstərməyib”, - deyə bəyanatda vurğulanıb.
Yanvarın 30-da Şimali Koreya “Hvasal-2” strateji qanadlı raketinin təlim buraxılışını reallaşdırıb. KCNA-nın məlumatına görə, yanvarın 28-də ölkə lideri Kim Çen Inın rəhbərliyi altında iki yeni “Pulhvasal-3-31” sualtı qanadlı raketinin uğurlu sınaq buraxılışı baş tutub.
