Ukraynanın Poltava şəhərində Novruz bayramı münasibətilə tədbir keçirilib
Ukrayna Azərbaycanlıları Radasının Poltava vilayəti üzrə rəhbəri Füzuli Qəmbərov və icraçı katibi Sərxan Vidadioğlunun təşkilatçılığı ilə Poltava şəhərində Novruz bayramı münasibətilə bədii-musiqili tədbir təşkil olunub. Tədbirdə Azərbaycan mədəniyyəti, musiqisi, yazın gəlişini tərənnüm edən rəsm sərgisi, milli mətbəximizin təamları nümayiş etdirilib.
Tədbirə Poltava, Krimunçuk və başqa şəhərlərdə yaşayan azərbaycanlılarla yanaşı yerli ictimaiyyətin nümayəndələri da qatılıb. Ukraynanın Xalq artisti Qurban Abbasovun rəhbərlik etdiyi musiqi kollektivinin və tanınmış teleaparıcı Nataliya Kudreşovanın iştirakı ilə tədbir çərçivəsində baş tutan konsertə böyük maraq göstərilib. Ümumilikdə, tədbirdə 700-ə yaxın insan iştirak edib.
