Rusiyanın müharibəni uzatması ilə bağlı yetərincə təzyiq hiss etmədiyini göstərən daha bir gecə arxada qaldı. Bizim Hava Hücumundan Müdafiə Qüvvələri, mobil qruplar, dronların ələ keçirilməsi ekipajları bütün gecəni və səhər saatlarında gərgin işləyib. Şəhərlər, energetika sistemimiz hücumlara məruz qalıb, yaşayış binalarına çoxlu zərər dəyib.
Diaspor.info xəbər verir ki, bu barədə Ukrayna Prezidenti Volodimir Zelenski məlumat verib. O bildirib: “Zaporojyedə yanğın baş verib, Kiyevdə evlər hədəf alınıb. Kiyev, Odessa, Çerniqov, Dnepropetrovsk, Kirovoqrad, Poltava, Vinnitsa, Zaporojye, Çerkassı və Sumı vilayətləri zərər çəkib. Hazırda 17 nəfərin yaralandığı bildirilir. Təəssüf ki, ikisi uşaq olmaqla altı nəfər həlak olub. Onların ailələrinə və yaxınlarına başsağlığı verirəm”.
O vurğulayıb ki, “Rusiya liderləri kritik problemlərlə qarşılaşmayana qədər diplomatiya haqqında sözlər heç bir məna kəsb etmir”.
Ukrayna Prezidenti əlavə edib: “Bu məqsədə yalnız sanksiyalar vasitəsilə, təkcə bütün tərəfdaşlarımızın uzunmüddətli, əlaqələndirilmiş diplomatiyası vasitəsilə nail olmaq olar. Artıq Avropa İttifaqı tərəfindən güclü sanksiyalar paketini qəbul etməyin vaxtı çatıb. Biz, həmçinin ABŞ və G7-nin və sülh istəyən ölkələrin hamısının güclü sanksiyalarına ümid edirik. Dünyanın indi səsini çıxarması və Rusiyanın hücumlarına birlikdə cavab verməsi çox vacibdir”.
