Azərbaycanda cari tədris ilində 105 ölkədən 11 minə yaxın tələbə təhsil alır.
Diaspor.info xəbər verir ki, bunu Elm və Ali Təhsil üzrə Dövlət Agentliyinin Beynəlxalq əməkdaşlıq şöbəsinin müdiri Müjdat Həsənov "Elm və ali təhsilin beynəlmiləlləşməsi" adlı tədbirdə çıxışı zamanı deyib.
Şöbə müdiri bildirib ki, bu göstəricidə ötən illə müqayisədə min nəfər artım olub.
Onun sözlərinə görə, siyahıda Türkiyə, Pakistan və İran ilk üçlükdə yer alır. Tibb, iqtisadiyyat və idarəetmə ixtisasları üstünlük təşkil edir.
"Hazırda xaricdə təhsil proqramı üzrə 21 ölkə üzrə 140 universitetdə 981 tələbə təhsil alır", - şöbə müdiri əlavə edib.
729
