Ata
Uşaqlıq günlərim çox ağır keçib
Ata navazişi görməmişəm mən
Zəmanəmiz məni sınağa çəkib
Uşaqkən sevinib gülməmişəm mən
Ata qucağinda uşaq görəndə
Uşaq atasıyla deyib güləndə
Xəbərsiz gözlərim dolardı mənim
Atasız həyatda ömür sürəndə
Atasız böyüdüm bu dünyada mən
Anam mənə ata həm ana oldu
Dar gündə turmadı atam əlimdən
Övladım ata tək dayağım oldu
Ən gözəl qadın
Dilimdən düşməyir bil sənin adın
Sənə canım qurban ey gözəl qadın
Qırılsa qollarım kəsilsə ətim
Unutmaram səni sənsən qismətim
Mən sənin qəlbində ətirli çuçək
Ətirli bənövşəı gül bitirərəm
Sənin qəlbindəki kədəri silib
Sevindirib səni xoşbəxt edərəm
Bu gözəl həyatda ən gözəl qadın
Arzum budur Allah bədbəxt olmasın
Bu gözəl həyatda ən gözəl qadın
Çiçək tək saralıb gül tək solmasın
Bu gözəl həyatda ən gözəl qadın
Hər zaman sevilsin sevinsin gərək
Ən gözəl qadına arzum budur ki
Ona qismət olsun xoş arzu dilək
Bu gözəl həyarda gözəl qadının
Qulluğunda durub əzizləyəsən
Ən gözəl qadına səcdə eyləyib
O gözəl qadını xoşbəxt edəsən
Çalış sən batmasın kişilik adın
Səndən razı qalsın həyat yoldaşın
Səndən razı qalsın o gözəl qadın
Asiman Sarıyev