2023-cü ilin noyabr ayında Yeni Suvagil kənd 1 nömrəli tam orta məktəbdə "Zəfər günü" ilə əlaqədar "Sən qalibsən Azərbaycan!" mövzusunda tədbir keçirilmişdir.Tədbirdə şəhid ailələri, qazilər,müharibə veteranları, valideyn komitəsinin üzvləri və kənd ictimaiyyətinin nümayəndələri iştirak etmişlər.
Tədbirdə məktəbin direktoru Abdurahman Soltanov, məktəbin riyaziyyat müəllimi, müharibə veteranı, Ümid Əliyev, GÇH rəhbəri Ramin Heydərov, Yeni Suvagil kənd İnzibati Ərazi Dairəsi üzrə nümayəndəsi Soltanəli Soltanov çıxış etmişlər. Tədbirdə həmçinin şagird və müəllimlərin iştirakı ilə bədii kompozisiya nümayiş etdirilmişdir.
Tədbirdə "Zəfər günü" ilə əlaqədar Yeni Suvagil kənd 1 nömrəli tam orta məktəbi üzrə rəsm, inşa və şer müsabiqələrin qalibləri mükafatlandırılılmışdır.
Tədbirdə eyni zamanda "Zəfər günü" ilə əlaqədar Z.Murtuzəliyev adına Zaqatala şəhər 1 nömrəli tam orta məktəbdə keçirilmiş basketbol yarışlarında rayon birincisi olmuş Yeni Suvagil kənd 1 nömrəli tam orta məktəbin qadın müəllimələrdən ibarət basketbol komandasının üzvləri Valentina Muradovaya, Zenfira Soltanovaya, Təhminə Əlimovaya, Nərminə Turacovaya, Elina Həsilovaya, Şəhla Çobanzadəyə və Fəridə Muradovaya qızıl medallar və kubok təqdim olunmuşdur:
Tədbirin sonunda şəhid ailələri, qazilər və müharibə veteranlarına Nəbi Mülkümovun “VƏTƏN SEVGİSİ” kitabı təqdim edilimişdir.
Nəbi Mülkümov,
Azərbaycan Jurnalistlər birliyinin üzvü.
