Moldova azərbaycanlıları uşaqları hədiyyələrlə sevindirib
Moldovada fəaliyyət göstərən Azərbaycan icmasının Dünya Azərbaycanlılarının Həmrəylik Günü və Yeni il münasibətilə “Hədiyyələr Marafonu” adlı sosial xeyriyyə layihəsi keçirilib.
Moldova Azərbaycanlıları Konqresinin 4 il ardıcıl olaraq Həmrəylik Günü ərəfəsində həyata keçirdiyi irimiqyaslı layihəyə əsasən, ölkənin müxtəlif bölgələrində yaşayan azərbaycanlı ailələrin və digər millətlərin azyaşlı övladlarına hədiyyələr çatdırılıb.
Bu il layihə Konqresin Kişinyov və Benderı şəhərlərindəki Azərbaycan həftəsonu məktəblərində də gerçəkləşdirilib. Məktəb şagirdləri təkcə hədiyyələr qəbul etməyib, həm də Həmrəylik Günü münasibətilə maraqlı bayram konserti təqdim ediblər.
Bundan başqa, təşkilatın gənclər qanadının fəalları – cüdo üzrə çoxsaylı çempionatların mükafatçısı Adil Osmanov və Nikolay Testemitsanu adına Tibb və Farmakologiya Universitetinin məzunu Aynur Əbdülrəhimova paytaxtın Onkologiya İnstitutunun uşaq şöbəsini ziyarət ediblər. Gənclərimiz balaca pasiyentlərə hədiyyələr təqdim edib və Azərbaycan icmasının adından tezliklə şəfa tapmalarını arzulayıblar.
Layihənin həyata keçirilməsində iştirak edən bütün icma üzvlərinə minnətdarlığını bildirən Konqresin sədri Elçin Bayramov bildirib ki, marafon təşkilatın xoş ənənəsinə çevrilib: “Bu, sadəcə, xeyriyyə layihəsi deyil, uşaqlıq dünyasını daha parlaq etmək üçün bir fürsətdir. Azərbaycanın tarixi və mədəni ənənələri haqqında biliklərin dərinləşdirilməsinə yönəlmiş təşəbbüsdür. “Hədiyyə Marafonu” şəraitdən və məsafədən asılı olmayaraq icmamızın insanlarını birləşdirmək və həmrəyliyinə nail olmaq üçün nəzərdə tutulub”.
[center]
[
